FLASH
Shkruar nga Pamfleti
Një grup kriminal që shisnin drogë në lokale në Tiranë dhe më pas e trafikonin në Kosovë është goditur nga policia shqiptare.
Në kuadër të operacionit të koduar “Tentakulat” janë arrestuar 5 persona, ndërsa 5 të tjerë janë shpallur në kërkim.Policia thotë se këta persona akuzohen se janë të organizuar si grup, që nga viti 2019 dhe kanë siguruar lëndë narkotike Cannabis Sativa, nga zona të ndryshme në Krujë dhe Dibër, dhe më pas e kanë shitur në lokale, në Tiranë, dhe e kanë trafikuar në Kosovë.
Në pranga ranë Dritan Uka, Alban Grori alias Alban Gruri, Mehdi Gjoka, Ylber Tahiri alias Ylli Hida dhe Ramazan Doçi, ndërsa 5 të tjerë u shpallën në kërkim, A. D. alias A. D., 51 vjeç, A. D., 48 vjeç, N. G., 35 vjeç, E. T., 24 vjeç dhe I. P., 34 vjeç.
“Nga hetimet dyshohet se 10 shtetasit janë bashkëpunëtorë për kryerjen e këtyre veprave penale, me 11 shtetas të identifikuar nga Policia e Gjirokastrës, gjatë operacionit policor të koduar “Crossborder line”, në muajin nëntor 2024.”, thote policial.
'Identifikohen 10 pjesëtarë të grupit, të cilët e shitnin lëndën narkotike në lokale, në Tiranë, dhe e trafikonin në Kosovë.
Vihen në pranga 5 prej tyre. Shpallen në kërkim 5 të tjerët.
Në kuadër të operacionit “Tentakulat”, Drejtoria për Hetimin e Krimit të Organizuar e Departamenti të Policisë Kriminale të DPPSh-së, në bashkëpunim me DVP Tiranë dhe me DVP Dibër, si dhe në drejtimin e Prokurorisë së Tiranës, ekzekutoi masën e sigurisë “Arrest në burg”, të caktuar nga Gjykata e Tiranës, për shtetasit: D. U., 45 vjeç; A. G. alias A. G., 47 vjeç; M. Gj., 56 vjeç; Y. T. alias Y. H., 51 vjeç dhe R. D., 30 vjeç.
Gjithashtu, në kuadër të këtij operacioni, janë identifikuar dhe shpallur në kërkim shtetasit A. D. alias A. D., 51 vjeç, A. D., 48 vjeç, N. G., 35 vjeç, E. T., 24 vjeç dhe I. P., 34 vjeç.
Këta shtetas akuzohen se të organizuar si grup, që nga viti 2019, kanë siguruar lëndë narkotike Cannabis Sativa, nga zona të ndryshme në Krujë dhe Dibër, dhe më pas e kanë shitur në lokale, në Tiranë, dhe e kanë trafikuar në Kosovë. Nga hetimet dyshohet se 10 shtetasit janë bashkëpunëtorë për kryerjen e këtyre veprave penale, me 11 shtetas të identifikuar nga Policia e Gjirokastrës, gjatë operacionit policor të koduar “Crossborder line”, në muajin nëntor 2024.
Punohet për nxjerrjen përpara përgjegjësisë penale, të të gjithë pjesëtarëve të grupit.
Materialet procedurale iu referuan Prokurorisë, për veprime të mëtejshme.', njofton policia.
Lini një Përgjigje