FLASH
Shkruar nga Pamfleti
63-vjeçari u gjet i fshehur tek “Shpella e Memecit”, pranë kishës përballë Urës së Goricës.
Blutë e Beratit kanë arrestuar pas disa orësh kërkime Kristo Memën alias Kostandin Hoxhën, autorin e vrasjes me thikë të 42-vjeçarit në Kala.
63-vjeçari u gjet i fshehur tek “Shpella e Memecit”, pranë kishës përballë Urës së Goricës.
Mema vrau me thikë vizitorin nga Tirana në Kalanë e Beratit pas një sherri banal.
Mësohet se viktima Keli Hoxha është konfliktuar me autorin Kristo Mema për çmimin e fotove dhe xhirove me kalë që bënë fëmijët e tij, dhe në debat e sipër autori ka nxjerrë thikën dhe e ka qëlluar disa herë.
E gjithë skena ka ndodhur në prani të fëmijëve dhe të gruas së 42-vjeçarit.
Pas kësaj, autori është larguar nga vendngjarja.
Hoxha ka marrë një plagë të vetme në zemër, që ka mjaftuar t’i marrë atij jetën.
Ndonëse është thirrur ambulanca në vendin e ngjarjes, 42 vjeçari ka mbërritur pa shenja jete në Spitalin Rajonal të Beratit.
42-vjeçari ishte baba i dy fëmijëve. Që sëbashku me ta, gruan dhe nënën kishin shkuar të kalonin një ditë ndryshe në Berat, pa e ditur se çfarë i priste.
Lini një Përgjigje