FLASH
Shkruar nga Pamfleti
Gjykata e Pireut ka lënë në paraburgim vrasësin e 39-vjeçarit shqiptar, Brigen Limka në Greqi. 68-vjeçari grek vrau me armë gjahu një shqiptar mesditën e së premtes (15 shtator) në Pire, pas një konflikti për vendin e parkingut.
Mediat greke shkruajnë se ai është shfaqur i penduar para gjykatës, teksa ka kërkuar falje për krimin e rëndë.
“Jam penduar. Sinqerisht kërkoj falje, ishte gabimi më i madh i jetës sime. Dhe për këtë uroj dënimin tim”, dyshohet se ka deklaruar.
Po ashtu, mësohet se autoritetet kanë kërkuar kryerjen e ekspertizës psikiatrike ndaj të moshuarit.
Si ndodhi ngjarja
Shqiptari u qëllua për vdekje me dy plumba në fytyrë nga një 68-vjeçar me të cilin kishte konflikte të vazhdueshme. Ai u dërgua në spitalin Zaneio por nuk arriti t’i mbijetojë plagëve të marra dhe për pasojë humbi jetën.
Mësohet se viktima ishte baba i tre fëmijëve dhe punonte në parkingun ku ndodhi sherri. Dëshmitarët thanë se 68-vjeçari shfaqte shpesh sjellje agresive dhe i kërkonte një vend parkimi në parkingun ku i riu punonte.
Pas debatit, autori shkoi në banesën e tij, mori armën dhe qëlloi për vdekje me gjakftohtësi shqiptarin.
Lini një Përgjigje