FLASH
Shkruar nga Pamfleti
Ditën e sotme po mbahen zgjedhjet e ripërsëritura në bashkinë e Rrogozhinës pas shpalljes së pavlefshme të atyre të 14 majit.
Kandidati i koalicionit ‘Bashkë Fitojmë’, Shkëlqim Hoxha i cili garon për bashkinë Rrogozinë përballë rivalit të tij, nga PS Edison Memolla, ka inspektuar procesin e votimit në qendrat ku qytetarët po hedhin votën e tyre.
I pyetur në lidhje me akuzat e Veliaj se po bën pazare për zgjedhjet, Hoxha tha se këto janë mashtrimet të kryebashkiakut të Tiranës.
"E kam sqaruar janë mashtrime të pastra të Erion Veliajt! Erioni është mësuar me fiq dhe me demagogji, por nuk i ec në Rrogozhinë. Në Rrogozhinë do të marrë përgjigjen që nuk i dha Belind Këlliçi në Tiranë.", tha Hoxha.
Më tej, lidhur me procesin e votimit, kandidati i Bashkë Fitojmë u shpreh optimist, ndërsa deklaroi se sot qytetarët do të marrin pjesë më shumë në zgjedhje, sesa në 14 maj.
“Sot do marrin pjesë me shumë se në 14 Maj në zgjedhje. Erion Veliajt i kam kthyer përgjigje. Pas çdo rezultati do shtrëngoj duart me kundërshtarin”, tha Hoxha.
Lini një Përgjigje