FLASH
Shkruar nga Pamfleti
Pas mbledhjes së grupit parlamentar të Partisë Demokratike, Gazment Bardhi ka folur edhe për ligjin për Investimet Strategjike, i cili është shtyrë deri në fund të 2024-ës.
Bardhi u shpreh se ky është një ligj i sponsorizuar, dhe se në vend që t’i shërbejë interesit të qytetarëve, do t’i shërbejë atyre që sipas tij zaptojnë pronat shtetërore.
Bardhi shtoi se deputetët e mazhorancës nuk duhet të mbështesin këtë ligj.
“Nga një ligj që do i shërbente interesit publik, do i shërbejë vetëm atyre që zaptojnë pronat dhe pastrojnë paratë e krimit dhe korrupsionit. Kërkoj përgjegjshmëri nga deputetët e mazhorancës, nuk janë aty për t’i shërbyer Pëllumb Gjokës apo elementëve të tjerë për ligje të sponsorizuar”, tha Bardhi.
Lini një Përgjigje