FLASH
Shkruar nga Pamfleti
Deputeti demokrat Agron Gjekmarkaj ka folur lidhur me lidershipin e Partisë Demokratike e cila prej kohësh gjendet në udhëkryq.
Gjekmarkaj tha se ai vetë nuk ka ambicie për të drejtuar PD-në, por se ka shumë figura të tjera brenda opozitës me karizmin dhe përgatitjet e duhura për ta bashkuar opozitën dhe për ta nxjerrë nga situate ku ndodhet.
“Unë mendoj se Partia Demokratike ka potenciale lidershipi, qoftë te një njeri që vjen nga provincat apo ata që janë në qendër, njerëz të profesionit apo intelektualë. Nuk ka mbetur Shqipëria pa njerëz që i dalin për zot opozitës apo të djathtës. Loja e emrave nuk na çon askund.
Unë nuk kam ambicie. Nuk e ndjej. Mendoj se jam më i dobishëm në pozicionin e njeriut që flet e shkruan. Më mungojnë disa të dhëna. Duke qenë një njeri modest, mbetem brenda gjërave që t’i të bëj dhe jam i sigurt në to”, ka thënë Gjekmarkaj.
Ndërsa lidhur me përfoljen së fundmi të emrit të Argita Malltezit si një drejtuese e mundshme e partisë, Gjekmarkaj ka thënë se kjo është një histori për të përftuar klikime.
“Sa i përket përmendjes së emrit të Argita Malltezit, mendoj se edhe kjo është një histori tjetër klikimesh. Në filmin “Hije që mbeten pas” i kërkohet djalit të dënojë të atin. Fakti që zonja Malltezi mbron të atit, mua më duket gjëja më njerëzore në botë dhe mendoj se bën gjënë e duhur që është në krah të të atit
Gjithsesi, unë jam kundër trashëgimisë politike. Ajo vërtet mund të hyjë në garë dhe ta fitojë atë garë sepse ka mbiemrin Berisha, por nga pikëpamja etike nuk do të ishte gjëja e duhur për PD-në”, tha Gjekmarkaj në A2 CNN.
Lini një Përgjigje