FLASH
Shkruar nga Pamfleti
Një 31-vjeçar ka rënë në prangat e Policisë së Krujës, ndërsa bashkëpunëtori i tij është shpallur në kërkim, në kuadër të një operacioni kundër kultivimit të bimëve narkotike.
Sipas hetimeve, dyshohet se dy shtetasit kishin kultivuar 42 bimë të dyshuara narkotike cannabis sativa në një zonë pyjore të fshatit Mukaj. Gjatë kontrollit në vendin ku ndodheshin bimët, efektivët e Policisë sekuestruan edhe 600 gramë lëndë të dyshuar narkotike cannabis sativa.
Policia njofton se vijon puna për lokalizimin dhe kapjen e 43-vjeçarit të shpallur në kërkim, si dhe për dokumentimin e plotë ligjor të kësaj veprimtarie kriminale.
"Finalizohet operacioni policor i koduar “Mukja”, për goditjen e kultivimit të bimëve narkotike në Krujë.
Gjatë aksionit policia sekuestroi 42 bimë narkotike dhe 600 gramë lëndë e dyshuar cannabis sativa. Për pasojë ra në pranga një 31-vjeçar, dhe u shpall në kërkim bashkëpunëtori i tij.
Në vijim të punës intensive për parandalimin, evidentimin dhe goditjen e veprimtarive kriminale në fushën e narkotikëve, sherbimet e Komisariatit të Policisë Krujë, bazuar në informacionet e siguruara në rrugë operative dhe si rezultat i kontrolleve të organizuara në terren, finalizuan operacionin policor të koduar “Mukja”.
Në kuadër të operacionit u bë arrestimi në flagrancë i shtetasit N. Z., 31 vjeç si dhe u shpall në kërkim shtetasi J. M., 43 vjeç, të dy banues në fshatin Mukaj.
Nga veprimet hetimore dyshohet se këta dy shtetas kishin kultivuar, në një zonë pyjore të fshatit Mukaj, 42 bimë të dyshuara narkotike cannabis sativa.
Gjithashtu, gjatë kontrollit në vendin ku kultivoheshin bimët narkotike, shërbimet e Policisë gjetën dhe sekuestruan 600 gramë lëndë të dyshuar narkotike cannabis sativa.
Vijon puna për kapjen e shtetasit të shpallur në kërkim, si dhe për dokumentimin e plotë ligjor të kësaj veprimtarie kriminale.
Materialet procedurale iu referuan Prokurorisë, për veprat penale “Prodhimi dhe shitja e narkotikëve” dhe “Kultivimi i bimëve narkotike”, njofton policia.
Lini një Përgjigje