FLASH
Shkruar nga Pamfleti
Fatos Nano, lideri historik i socialistëve shqiptarë është ndarë nga jeta në moshën 73-vjeçare, ndërsa prej 1 muaji qëndronte i shtruar në spital për shkak të një sëmundjeje të rëndë.
I konsideruar si një prej politikanëve më vizionarë të tranzicionit shqiptar, Nano drejtoi Partinë Socialiste nga momenti kur kjo parti u rithemelua pas ndryshimit të emrit (ish-PPSH në Kongresin e 1991) deri në 2005-ën, kohë kur largua nga politika aktive, pasi humbi zgjedhjet parlamentare.
Kryeministri Edi Rama, i ofruar nga Nano në politikën shqiptare në 1998-ën, kohë kur iu besua edhe posti i ministrit të Kulturës, ka reaguar me një mesazh në rrjetet sociale.
“Lamtumirë Kryetar”, shkruan Rama, postim që e shoqëron me simbolin e zemrës së thyer.
Lini një Përgjigje