FLASH
Shkruar nga Pamfleti
Nënkryetari i Partisë Demokratike, Kreshnik Çollaku ka reaguar pas pjesëmarrjes së deputetëve të opozitës në mbledhjen online të komisioneve të zhvilluar ditën e sotme.
Çollaku ironizon pjesëmarrjen e deputetëve të opozitës, teksa shprehet se hetimi i fondeve qeveritare të AZHBR dhe publikimi i afërt i listës së përfituesve, mesa duket ia ka këputur gjunjët ndonjë Aksionisti të opozitës.
Ai shkruan gjithashtu se nuk bëhet dot opozitë kur natën përfiton grante nga qeveria me SMS të kryeministrit Edi Rama dhe ditën përmbys karrige me SMS të ish-kryeministrit Sali Berisha.
“Sot në mbledhjen e Byrosë Parlamentare.
Revolucion Parlamentar i çuditshëm, as lajmëruan kur e filluan, as lajmërojnë që e lanë mes rruge.
Hetimi i fondeve qeveritare të AZHBR dhe publikimi i afërt i listës së përfituesve, mesa duket ia ka këputur gjunjët ndonjë Aksionisti të opozitës.
Se opozitë nuk bën dot, kur natën përfiton grante nga qeveria me sms të Edi Ramës e ditën përmbys karrige me sms të Doktorit”, shkruan Çollaku në Facebook.
Lini një Përgjigje