FLASH
Shkruar nga Pamfleti
Protestat që po zhvillohen prej 11 ditësh në vend kanë dominuar edhe debatin në seancën plenare të kësaj të enjteje, ku nuk munguan përplasjet mes deputetëve.
Deputeti i Partisë Socialiste, Ardit Bido, iu drejtua me tone ironike opozitës, duke e akuzuar se nuk reagoi kur protestat nisën më 30 maj.
“Më dhemb teksa shoh parullat që u kujtua sot PD të vendoste, kam vetëm një pyetje: në 30 maj pse nuk folët? Pse heshtët? Pse nuk flisni sot për tregje oligopol që dëmtojnë këtë vend?”, deklaroi Bido nga foltorja e Kuvendit.
Deklarata e tij solli reagimin e menjëhershëm të deputetit të Lëvizjes Bashkë, Redi Muçi, i cili e sulmoi personalisht kolegun socialist, duke e akuzuar për lëvizje të vazhdueshme politike në karrierën e tij.
“Të shkoj jeta qafë më qafë… kështu edhe shokut Bido i ka kaluar karriera politike nga një qafë në një tjetër. Komedia qëndron që zgjodhi të kërcejë në qafën e Ramës tani që atij po i vjen fundi. Shpresoj shumë që për të mirën e Bidos të jetë qafa e fundit e Bidos, se realisht i ka shkuar jeta qafë më qafë”, u shpreh Muçi.
Lini një Përgjigje