FLASH
Shkruar nga Pamfleti
Xavier Trudeau, i njohur si Xav, ka komentuar hapur lidhjen e babait të tij, Justin Trudeau, me këngëtaren Katy Perry. Çifti konfirmoi publikisht marrëdhënien në Instagram në dhjetor 2025.
I ftuar në podkastin "Can't Be Censored", 18-vjeçari e përshkroi Katy Perry-n si një person “super të ëmbël dhe me këmbë në tokë”: “Ajo është fantastike. Mendoj se babai im është i lumtur dhe kjo është gjëja më e rëndësishme”, tha Xav.
Xavier ka tre fëmijë nga martesa e mëparshme e babait me Sophie, ndërsa Perry ka një vajzë, Daisy Dove Bloom. Ai zbuloi gjithashtu se bën vetë muzikë dhe ia dërgon këngët Katy Perry-t për këshilla: “Kur jam i kënaqur me një këngë, ia dërgoj asaj. Ajo gjithmonë më ndihmon të përmirësohem.”
Duke folur për presionin publik që vjen nga fama e Katy Perry-t dhe karriera politike e babait, Xav tha se është mësuar me vëmendje të madhe ndaj medias. Ai shtoi se të shohë fotot e babait me këngëtaren në media është krejtësisht normale: “Është si çdo foto tjetër e babait dhe mamit tim, ose thjesht e babait tim.”
Për komentet negative në rrjet, ai pranoi se ndonjëherë ndikohen nga kritikat, por ndjek këshillat që ka marrë që fëmijë: “Gjithë jetën më thonë: ‘Mos i lexo komentet’. Megjithatë, më ndihmon kur dikush shpërndan ose pëlqen videon time.”
Ky reagim i Xavier-it tregon një qasje të hapur dhe të matur ndaj lidhjes së babait të tij me një yll botëror dhe ndaj presionit publik që e shoqëron këtë marrëdhënie.
Lini një Përgjigje