FLASH
Shkruar nga Pamfleti
Gerard Pique së fundmi ka kërkuar ndihmën e avokatit, pasi fëmijët e tij u shfaqën papritur në një video me Shakirën. Ish-futbollisti nuk ishte informuar për pjesëmarrjen e tyre në video.
Ngjarja që tërhoqi vëmendjen ndodhi këtë javë kur Shakira publikoi videoklipin e këngës së saj 'Acrostico', me fëmijët e saj Milan dhe Sasha. Videoja, e cila me sa duket u filmua në shtëpinë e tyre të mëparshme në Barcelonë, përpara se të transferoheshin në Miami, shfaqte fëmijët duke kënduar së bashku me nënën e tyre, ndërsa e shoqëronin në piano.
Shakira ndau në rrjetet sociale se Milani tregoi hapat e tij të parë në kompozim, ndërsa Sasha u fokusua në përsosjen e aftësive të tij në piano. Këndimi dhe performanca muzikore e fëmijëve ka marrë shumë vlerësime.
Mirëpo, një person që duket tejet i pakënaqur dhe i irrituar me këtë situatë është Gerard Pique, babai i fëmijëve. Tronditja e tij vjen nga fakti se ai nuk ishte i informuar për përfshirjen e fëmijëve të tij në videon e këngëtares derisa u publikua.
Sipas gazetares Lorena Vazquez, duke folur në emisionin “Y ahora Sonsoles”, Pique nuk kishte asnjë dijeni, leje apo autorizim paraprak për pjesëmarrjen e fëmijëve të tij. As vetë fëmijët nuk e kishin njoftuar për pjesëmarrjen e tyre.
Shkalla e zemërimit dhe habisë së tij që nuk u informua për përfshirjen e fëmijëve të tij përpara pjesës tjetër të botës, e bëri atë të konsultohej me avokatët e tij për të eksploruar veprimet e mundshme.
“Ai është në gjendje shoku. Ai foli me avokatin e tij për të përcaktuar se çfarë veprimesh mund të ndërmerren”, tha Marisa Martin Blazquez.
Ndërkohë, burime pranë Piques, të kontaktuara nga emisioni “Ya es mediodia”, thanë se “Kjo do të shënojë një pikë kthese në marrëdhënien e tyre”.
View this post on Instagram
Lini një Përgjigje