FLASH
Shkruar nga Pamfleti
Pothuajse dy javë pasi autoritetet e shpallën në kërkim, Gervonta Davis u ndalua nga forcat e rendit në Majami. Ai akuzohet për agresion fizik, ndalim të paligjshëm dhe tentativë rrëmbimi, lidhur me një incident të supozuar dhune ndaj ish-partneres së tij.
Arrestimi u krye pas një operacioni vëzhgimi që u zhvillua për disa ditë në tre qarqe të ndryshme. Autoritetet bënë të ditur se boksieri u arrestua pa rezistencë në Distriktin e Dizajnit të Majamit. Akuzat janë ngritur nga ish-partnerja e tij, Kërni Rasëll, e cila pretendon se Davis e ka sulmuar fizikisht, e ka privuar nga liria, ka tentuar ta rrëmbejë dhe i ka shkaktuar qëllimisht stres emocional.
Ngjarja dyshohet se ka ndodhur më 27 tetor, kur boksieri nga Baltimore thuhet se e ka sulmuar Rasëll në vendin e saj të punës, pasi e kishte kërcënuar me vdekje. Në një konferencë për shtyp më 14 janar, policia e Majamit e cilësoi rastin si incident dhune në familje dhe deklaroi se hetuesit po bashkëpunonin ngushtë me autoritetet federale për lokalizimin dhe arrestimin e Davisit. Si pasojë e këtyre akuzave, Shoqata Botërore e Boksit (WBA) e ka shpallur së fundmi Davisin kampion në pushim, duke ia hequr titullin e kampionit në peshën e lehtë.
Mire more faqezinj te pafytyre, kujt Shqiptari i hyjne ne pune lajme te ketij lloji e kujt i rruhet per plehrat e Amerikes e te botes? Apo pak plehra kemi vete sa i kemi rruget e zyrat plot!