FLASH
Shkruar nga Pamfleti
Egnatia konfirmohet “Hirushja” e sezonit 2023-2024 në Abissnet Superiore. Rrogozhinasit kanë ulur me “këmbë në tokë” Kukësin në javën e 11, pas dy rezultateve pozitive njëri pas tjetrit.
Skuadra e drejtuar nga Edlir Tetova ka mposhtur në shtëpi rrogozjinasit me rezultatin 2-1. Vendasit e panë veten në disavantazh në minutën e 26. Selami hodhi një top brenda zonës për La Torren dhe ky i fundit e dërgoi pa probleme në rrjetë.
Në minutën e 34, Rivas shkaktoi një ndërhyrje të gabuar ndaj Fangajt dhe gjyqtari akordoi 11-metërsh. Futbollisti i Kukësit u ndëshkua me kartonin e verdhë. 1 minutë më pas, Fernando goditi nga pika e bardhë dhe e dërgoi topin në trekëndëshin e portës.
Për të vulosur fitoren e rrogozhinasve mendoi Spahiu në minutën e 56. Lojtari lëshoi një predhë nga distanca, e cila ishte e pakapshme për portierin Tafas.
Me këtë fitore, Egnatia mban vendin e parë me 23 pikë, ndërsa Kukësi renditet në vendin e 5 me 13 pikë.
Lini një Përgjigje