FLASH
Shkruar nga Pamfleti
Real Madrid-Barcelona është ndeshja që të gjithë presin në Spanjë dhe jo vetëm këtë të dielë.
“Klasikja” është ndeshja më e nxehtë, më spektakolare dhe zakonisht nuk është nevoja t’i hidhet benzinë zjarrit, por Lamine Yamal ka vendosur ta bëjë këtë gjë në prag të përballjes.
Yllit 18-vjeçar të Barcelonës i mjaftuan vetëm disa fjalë, të thëna me një ton shakaje, për të shkaktuar një tërmet të vërtetë mediatik në Spanjë.
“Real Madrid? Ata gjithmonë vjedhin dhe ankohen”, tha spanjolli i ftuar në podcastin “Chup Chup” të Ibai Llanos.
Videoja u bë shpejt virale në të gjithë botën dhe ndezi atmosferën rreth “Klasikes” vetëm tre ditë para superndeshjes, veçanërisht pasi Yamal i ngacmoi përsëri rivalët e përjetshëm: “A është e vështirë të shënosh kundër Realit? Herën e fundit që luajtëm në kampionat në Bernabeu, përfundoi 4-0. A e mbani mend?”.
Reagimi në Spanjë ishte i menjëhershëm dhe shpesh i ashpër:
"Ai nuk e kupton se çfarë përfaqëson dhe çfarë mund të thotë. Është vetëm 18 vjeç. Asnjë lojtar nuk mund të thotë se një klub vjedh ndeshje", shprehen tifozët në rrjetet sociale.
Lini një Përgjigje