FLASH
Shkruar nga Pamfleti
“Super Shqiponjat” e Nigerisë kanë treguar edhe një herë pse janë ndër favoritët kryesorë për trofeun në këtë edicion të Kupës së Afrikës. Me një paraqitje të shkëlqyer, ata mposhtën thellë Mozambikun me rezultatin 4–0, duke siguruar kalimin për në çerekfinalet e turneut, me rekord të pastër: 4 fitore në 4 ndeshje.
Kualifikimi i Nigerisë vjen pas suksesit të Egjiptit më herët ndaj Beninit (3–1 pas kohës shtesë), dhe e bën kombëtaren afrikane të gjashtën që arrin në fazën e 1/8-ave.
Golashënuesit e nigerianëve ishin emrat më të spikatur të ekipit: Ademola Lookman në minutën e 20’; Victor Osimhen me një dopietë në minutat 25’ dhe 47’; Adams vulosi rezultatin në minutën 75’, duke shtuar edhe dy asistime në performancën e tij të jashtëzakonshme.
Trajneri Erik Çele vazhdoi t’i besojë mbrojtësit të majtë të Olympiacosit, Bruno Onyemaechi, i cili luajti titullar për të tretën ndeshje radhazi, duke konfirmuar formën dhe rëndësinë e tij për skuadrën.
Nigeria do të përballet në çerekfinale me fituesin e ndeshjes mes Algjerisë dhe Republikës Demokratike të Kongos, e cila është programuar të zhvillohet të martën
Lini një Përgjigje