Policia “blindon” Dukagjinin: Luftojmë ‘kokat’ e krimit, askush s’do shpëtojë! - Aktualitet
Aktualitet13 Prill 2018, 09:03

Policia “blindon” Dukagjinin: Luftojmë ‘kokat’ e krimit, askush s’do shpëtojë!

Shkruar nga Pamfleti

Policia "blindon" Dukagjinin: Luftojmë 'kokat' e krimit, askush s'do shpëtojë!

Në zonën e Dukagjinit do të stacionohen efektivë të Policisë së Shtetit për t’u angazhuar më drejtpërdrejtë në luftën ndaj kultivimit të lëndëve narkotike. Kjo u deklarua nga zv.drejtori i Përgjithshëm i Policisë së Shtetit, Gjovalin Loka, gjatë një takimi që u zhvillua në njësinë administrative Guri i Zi, për thellimin e luftës kundër drogës.

“Akomodim të policisë në Dukagjin për të çuar mesazhin se ne jemi atje për të ndaluar pasurimin në rrugë të paligjshme”.

Nga ana tjetër, drejtori i Policisë së Shkodrës, Vehbi Bushati, ka paralajmëruar se do të luftohen ‘kokat’ e këtij aktiviteti kriminal dhe jo të varfrit, që përfshihen dhe që në fund janë të vetmit që procedohen penalisht.

“Do luftojmë kokat e aktivitetit, jo të varfrit që përfshihen dhe në fund ato janë të vetmit që procedohen penalisht. Askush të mos mendojë se do shpëtojë”.

Në takimin e zhvilluar në Guri i Zi, u ra dakord që krahas angazhimit të drejtpërdrejtë të strukturave të policisë kundër drogës, për çdo zonë do të ngrihen grupet e përbashkëta me punonjës të policisë, përfaqësues të bashkisë dhe kryetarë të fshatrave. Kjo me qëllim që të jenë në kontakt të përditshëm me komunitetin në terren.

codramol
smile

Aktualitet askush s'do shpëtojë! Policia "blindon" Dukagjinin: Luftojmë 'kokat' e krimit