Rreziku që vjen nga Edi Rama, ngre njësi speciale me ish komando e papërfshirë në ligjin “Për Policinë e Shtetit” - Anti-Mafia
Anti-Mafia29 Shtator 2019, 18:46

Rreziku që vjen nga Edi Rama, ngre njësi speciale me ish komando e papërfshirë në ligjin “Për Policinë e Shtetit”

Shkruar nga Pamfleti
Rreziku që vjen nga Edi Rama, ngre njësi speciale me ish komando e

Rreziku që vjen nga Edi Rama, ngre njësi speciale me ish komando e papërfshirë në ligjin “Për Policinë e Shtetit”

Kjo trupë speciale përbëhet nga ish komando që kanë luftuar në Irak dhe Afganistan. Nuk ka një varësi konkrete, varen nga Kryeministri dhe Ministri i Brendshëm. Mund të përdoren ndaj kundërshtarëve politikë, e ngjashme me Gardën Revolucionare të ajtollahëve të Iranit

Kryeministri Edi Rama përmes ministrit të tij të Brendshëm Sandër Lleshaj ka krijuar një forcë speciale policore, e cila varet tërësisht prej tij.

Duke e lënë pa ndonjë varësi konkrete këtë trupë speciale të përbërë nga ish komandot shqiptarë që kanë luftuar në Irak e Afganistan, jo vetëm që ka nxjerrë jashtë loje njësitë e tjera si RENEA dhe FNSH, por përbën dhe një kërcënim real, pasi ata dinë të thonë vetëm “urdhëro, si urdhëro”.

Njëherësh, përbëjnë rrezik pasi janë stërvitur për vite të tëra brenda Shqipërisë, por dhe jashtë me “trajnerë” nga më të mirët e NATO-s vetëm për të vrarë, liruar pengje dhe për të spastruar zonat të caktuara të luftës me rrezikshmëri të lartë, duke eleminuar kundërshtarët.

“Pamfleti.net” publikoi shqetësimin për rrezikshmërinë e një strukture të tillë që në momentin kur u diskutua ngritja e saj dhe ndryshimi i ligjit për “Policinë e Shtetit” që të zgjerohej gama e përfshirjes së ushtarakëve të FA në polici.

Por tashmë rreziku është shumë pranë, pasi një javë më parë kjo njësi speciale e përbërë si fillim nga 35 komando të mirëstërvitur për të vrarë dhe eleminuar njerëz, është lançuar dhe ka bërë stërvitjen e parë.

E emërtuar si “Njësia Speciale e Kërkimit të Personave që i Shmangen Drejtësisë”, struktura speciale, efektivët e të cilës kanë luftuar nën flamurin e NATO-s në Irak dhe Afganistan, ka një handikap, pasi komandot nuk janë stërvitur për të kërkuar dhe ndaluar personat në kërkim por vetëm për të eleminuar.

Nga ana tjetër, krijimi i kësaj njësie elitë policore me komando, ngre pikëpyetje të forta se në varësi të cilit institucion apo njësie policore do të jetë, pasi “rezonon” fort dhe përplaset me Drejtorinë Lëvizëse Operacionale-FLO, si nivel i parë, dhe RENEA e FNSH, të nivelit të dytë dhe të tretë.

Në nenin 121 të ligjit “Për Policinë e Shtetit” përcaktohet se për kryerjen e operacioneve të sigurisë së veçantë dhe zgjidhjen e situatave, të cilat nuk mund të përballohen nga shërbimet e tjera të Policisë, përdoren struktura speciale operacionale rezervë të Drejtorit të Përgjithshëm të Policisë.

Përgjegjësitë e këtyre strukturave janë: çlirimi ose shpëtimi i pengjeve; kapja e personave të armatosur me rrezikshmëri të lartë dhe transportimi i tyre në mjediset e Policisë; mbështetja e strukturave, të cilat sigurojnë personalitetet e larta shtetërore, të vendit ose të huaja, në rastet kur ka të dhëna për akte terroriste ndaj tyre; rivendosja e rendit dhe e sigurisë publike, kur kjo është e pamundur vetëm me strukturat e tjera policore.

Punonjësve të strukturave speciale operacionale u garantohet fshehtësia e identitetit për veprimtarinë operacionale. Lind pyetje: Kjo njësi speciale ku e ka vendin, pasi s’është fiksuar në ligj, në mënyrë të përcaktuar qartë se nga varet dhe pse është krijuar.

Ekspertët e sigurisë shprehen se nuk ka asnjë mundësi që të krijohet një forcë speciale e tillë pa e përfshirë më parë në ligjin “Për Policinë e Shtetit”, pasi më shumë do të ngjante me një forcë policore personale, paramilitare dhe me qëllime të caktuara të papërfshira në ligj.

Sipas ekspertëve të sigurisë, forcat speciale në Shqipërisë janë RENEA, FNSH, apo forcat e tjera operacionale që cilësohen si Brisku, Shqiponja. RENEA dhe FNSH janë të përcaktuara për të realizuar detyrat për kapjen e personave në kërkim apo të cilësuar si të rrezikshëm, dhe komandohen në mënyrë precize nga policia e shtetit, duke mos lënë vend për një njësi tjetër speciale për të njejtin qëllim.

Krijimi i njësie speciale paralele, me RENEA-n dhe FNSH-në, që ka për qëllim si dhe këto njësi kapjen e elementëve kriminalë, por që sipas Ministrisë së Brendshme do të operojë pa uniformë, si dhe duke mos pasur një varësi të përcaktuar, përbën një kërcënim real.

Kryeministri dhe ministri përkatës i Brendshëm mund t’i përdorin këto njësi speciale dhe për qëllimet e veta politike, pasi duke qënë se janë përgatitur vetëm për të eleminuar, mund të shërbejnë për Ramën për krijimin e kazuseve politike në kurriz të kundërshtarëve.

Madje mund të shërbejë dhe si Gardë Revolucionare, që del mbi policinë, Gardën dhe organet e tjera speciale të sigurisë, mjaft e njohur tek regjimet e ajtollahëve në Iran./Pamfleti

Anti-Mafia ngre njësi speciale me ish komando e papërfshirë në ligjin “Për Policinë e Shtetit” Rreziku që vjen nga Edi Rama