FLASH
Shkruar nga Pamfleti
Qeveria ka publikuar sot buxhetin për vitin që vjen, buxhet i cili vjen me rritje. Në shumë institucione nuk ka pasur shumë ndryshime sa u takon fondeve, teksa një vëmendje e veçantë është te organet e drejtësisë. Për disa prej tyre ka pasur rritje fondesh, ndërsa për disa të tjerë ka ulje.
Rritjen më të madhe e regjistron Këshilli i Lartë Gjyqësor, i cili do të ketë gati 12 milionë euro më shumë krahasuar me vitin e kaluar, duke arritur në 68 milionë euro për vitin 2026.
Edhe SPAK përfiton një buxhet më të lartë 21 milionë euro, nga 18.8 milionë euro që kishte në vitin e kaluar.
Prokuroria e Përgjithshme dhe Këshilli i Lartë i Prokurorisë do të kenë rritje më të vogël të fondeve, ndërsa Gjykata Kushtetuese, Shkolla e Magjistraturës, Inspektori i Lartë i Drejtësisë dhe Kolegji i Posaçëm i Apelimit do të marrin më pak para për vitin e ardhshëm.
Lini një Përgjigje