FLASH
Shkruar nga Pamfleti
Prokuroria e Elbasanit ka nisur hetimet për ngjarjen e rëndë që ndodhi në qytetin e Gramshit, ku raportohet se në fillim të javës u helmuan rreth 70 fëmijë të një kopshti publik.
Policia e Gramshit, pas njoftimit për helmimin e disa fëmijëve të kopshtit nr.1 nga salmonela, ka sekuestruar kartelat klinike për 6 pacientët e shtruar në spitalin e Gramshit, procesverbalet e kontrollit dhe furnizimit me produkte ushqimore të Kopshtit Nr.1, si dhe janë marrë mostrat nga ushqimi për ekzaminime të mëtejshme në kushte laboratorike.
Në vemendje të hetuesve tani janë zinxhiri i furnizimit, mënyra e ruajtjes së ushqimeve dhe higjiena në kuzhinën e institucionit.
Gjithashtu, është bërë dhe bllokimi i produkteve ushqimore të mbetura në kuzhinën e këtij kopshti. Të gjitha veprimet janë kryer nën drejtimin e Prokurorisë së Juridiksionit të Përgjithshëm Elbasan.
Lini një Përgjigje