FLASH
Shkruar nga Pamfleti
Pika kufitare e Kakavijës do të bllokohet për disa orë për shkak të grevës së fermerët grekë.
Policia Kufitare Kakavijë, është njoftuar nga Policia Kufitare Greke se ditën e sotme, nga ora 15:00 deri në orën 20:00, aksi rrugor Kakavijë–Janinë, në fshatin Kallpaq, do të jetë i bllokuar për shkak të protestës që do të zhvillojnë fermerët.
Sipas informacioneve, do të lejohen të qarkullojnë vetëm automjetet që do të kenë emergjenca shëndetësore.
“Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës”, thuhet në njoftim.
Prej 3 ditësh Greqia po mban protesta duke bllokuar rrugët kryesore. Një ditë më parë, gjatë tubimit fermerët u përplasën fizikisht me policinë.
Ndërkohë sipas mediave greke, fermerët kanë njoftuar se protesta e tyre do të vijojë me bllokimin e porteve.
Lini një Përgjigje