Aktualitet14 Dhjetor 2023, 10:35

Qyno nuk tregoi burimin, denoncon gazetari: Nuk është hera e parë që Behar Dibra urdhëron presionet ndaj gazetarëve

Shkruar nga Pamfleti

Qyno nuk tregoi burimin, denoncon gazetari: Nuk është hera e parë

Prokurori i SPAK Behar Dibra që urdhëroi marrjen në pyetje dhe kontrollin e banesës, sekuestrimin e kompjuterit të punës së gazetarit të Ora News Elton Qyno vetëm sepse ky i fundit refuzoi të jepte burimin e lajmeve të tij, është një rast i përsëritur.

Gazetari Fatos Mahmutaj përmes rrjeteve sociale thekson se një ngjarje e ngjshme i ka ndodhur me këtë prokuror në vitin 2005.

“Në lidhje me kolegun Elton Qyno dhe lumemadhin Behar Dibra. E njëjta situatë si kjo e Qynos më ka ndodhur edhe mua në fillim të vitit 2005 tek Prokuroria e Krimeve të Rënda.

Atëherë, dy drejtuesit sharlatanë të Prokurorisë (shefi dhe zëvendësi i tij) shfrytëzuan pikërisht lumëmadhin Dibra për të më thirrur dhe pastaj më bënë presion për shumë orë rresht në përpjekje për të më gjetur burimin e disa lajmeve rreth një dosje të madhe që gjykohej në atë kohë.

Kështu, Qyno, vëlla, mos ia merr me të madhe Dibrës, por shih kujt i ke hequr llokmën nga goja me ato që ke publikuar...”, shprehet gazetari Fatos Mahmutaj.

Qyno nuk tregoi burimin, denoncon gazetari: Nuk është hera e parë

Kujtojmë se prokurori Dibra mbrëmjen e djeshme në një prononcim për rrjetin “BIRN” pranoi që e gjithë kjo u bë për t’i marrë burimin e lajmeve gazetarit Elton Qyno, i cili ka refuzuar ta bëjë.

“Po, është pyetur për të dhënë burimin. Nuk e ka thënë. Hetimet do të vazhdojnë në forma të tjera për të zbuluar kush ka nxjerrë sekretin hetimor”, tha Dibra në një bisedë telefonike me BIRN.

 

qyno gazetar burim bnehar dibra