FLASH
Shkruar nga Pamfleti
Gjatë seancës në Këshillin e Mandateve dhe Imuniteteve, kreu i grupit parlamentar demokrat, Gazment Bardhi, ka pyetur prokurorët e SPAK nëse kërkesa e tyre në Kuvend është e motivuar ose jo politikisht.
“Kërkesa që na keni sjellë për autorizimin e Kuvendit për arrestimin e Belinda Ballukut është e bazuar në motive politike?”, iu drejtua Bardhi, grupit të 3 prokurorëve të SPAK (Klodian Braho, Dritan Prençi dhe Dorina Bejko).
Nga raportimet mësohet se në përgjigjen e tyre prokurorët kanë deklaruar se kërkesa e tyre s’ka asnjë lidhje me motive politike. Ata u shprehën se gjithçka bazohet në prova dhe fakte.
Më herët avokatët e Belinda Ballukut kërkuan nga SPAK që të paraqeste prova dhe fakte mbi atë që e konsideruan si dyshim të SPAK se zv.Kryeministrja e pezulluar nga funksionet qeveritare mund të largohej nga Shqipëria, ndërsa ka respektuar vendimet e Gjykatave.
Lini një Përgjigje