Aktualitet 9 Shtator 2023, 10:16

S'ka liri për Dritan Goxhajn, Gjykata refuzon kërkesën e avokatit

Shkruar nga Pamfleti

S'ka liri për Dritan Goxhajn, Gjykata refuzon kërkesën e

Gjykata e Tiranës ka rrëzuar kërkesën për shuarjen e masës së sigurisë për Dritan Goxhajn, ish-luftëtarin e UÇK-së të arrestuar në Tiranë për llogari të Gjykatës Speciale.

Avokati i tij Bashkim Nikolla kërkoi lirimin e menjëhershëm të Goxhajt për shkak se sipas tij ka kaluar afati 40-ditor, por prokuroria ishte kundër.

Gjykata e Tiranës e rrëzoi kërkesën duke arsyetuar se është e pambështetur në ligj e në prova. Ndërkohë avokati pretendon se nuk ka ardhur kërkesa për ekstradim nga shteti kërkues.

“Me sa duket drejtësia jonë nuk e ka vrarë ende frika”, deklaroi avokati Nikolla. “Nuk ka një kërkesë në reciprocitet që të ketë ardhur që të thotë kërkesë për ekstradim. Kërkesa jonë për ndërrimin e gjyqtares është hedhur poshtë si e pabazë”, informoi avokati.

Sipas Nikollajt, vetë Goxhaj ka folur në seancë: “E gjitha kjo e ka emrin pengmarrje, jo ekstradim, ka deklaruar Goxhaj në seancë”, citoi avokati.

Dritan Goxhaj u arrestua më 31 korrikut 2023 me urdhër arrest të lëshuar nga Gjykata Speciale e Kosovës me qëllim ekstradimin në Hagë.

Goxhaj akuzohet për kryerjen e veprave penale “Frikësimi gjatë procedurës penale” dhe “Pengimi i personit zyrtar në kryerjen e detyrave zyrtare”, parashikuar nga legjislacioni penal i Republikës së Kosovës.

 

dritan goxhaj liri gjykata avokat kerkese