FLASH
Shkruar nga Pamfleti
Gjykata Kushtetuese ka refuzuar kërkesën e ish-zv.ministrit të Shëndetësisë, Klodian Rrjepaj, për heqjen e masës së sigurisë “arrest me burg”, duke lënë në fuqi vendimin ndaj tij.
Vendimi është marrë më 31 mars, duke i dhënë fund përpjekjes së Rrjepajt për të kundërshtuar izolimin, njësoj si edhe ish-ministri Ilir Beqaj, i cili gjithashtu i është drejtuar kësaj gjykate.
Rrjepaj është dënuar fillimisht me 6 vite burg nga Gjykata e Shkallës së Parë për çështjen e sterilizimit, por për shkak të gjykimit të shkurtuar, dënimi i tij është ulur në 4 vite burg.
Ai akuzohet për shpërdorim detyre dhe shkelje të procedurave të prokurimit publik, në lidhje me koncesionin për sterilizimin e pajisjeve kirurgjikale.
Çështja e sterilizimit është një nga hetimet më të bujshme të SPAK, ku në total tetë persona janë dënuar me 28 vite burgim. Ndërkohë, ish-ministri Ilir Beqaj po përballet me një proces të veçantë gjyqësor.
Sipas hetimeve, kontrata koncesionare dyshohet se ka shkaktuar kosto të fryra dhe dëm ekonomik për buxhetin e shtetit, duke favorizuar subjekte private.
Lini një Përgjigje