FLASH
Shkruar nga Pamfleti
Partia Demokratike ka vendosur të mos marrë pjesë në seancën e sotme parlamentare.
Grupi Parlamentar i Partisë Demokratike ka dalë me një deklaratë ku thotë se dënon me forcë sjelljen e mazhorancës në Kuvendin e Shqipërisë, e cila vijon të pengojë opozitën në ushtrimin e funksioneve të saj kushtetuese dhe në përmbushjen e detyrimit për të përfaqësuar interesin e qytetarëve.
Në vijim të kësaj qasjeje bllokuese, dje, në mbledhjen e Konferencës së Kryetarëve, mazhoranca miratoi kalendarin e punimeve të Kuvendit deri në përfundim të këtij sesioni parlamentar, pa përcaktuar datën e shqyrtimit të katër projektligjeve të depozituara prej rreth një muaji nga Grupi Parlamentar i Partisë Demokratike.
Ndërkohë protestuesit janë grumbulluar paraditen e së enjtes para Parlamentit, ku kanë goditur me vezë disa deputetë.
Deputeti i Partisë Socialiste, Ramion Kurti, është qëlluar me vezë pak para se të hynte në Parlament.
Deri tani, policia ka shoqëruar 6 protestues, mes tyre edhe aktivisti Gent Progni.
Më parë, disa protetues janë futur brenda një lokali ku ndodheshin deputetët dhe i kanë qëlluar me vezë dhe miell.
Krahasuar me protestën e djeshme, ka forca të shtuara policie në ambientet përreth Parlamentit.
Lini një Përgjigje