FLASH
Shkruar nga PamfletiBurime pranë drejtësisë thonë se fleta e arrestit për Engjëll Agaçin është gati dhe se ai është larguar nga Shqipëria...
Burime pranë sistemit të drejtësisë deklarojnë për 'Pamfleti' se Prokuroria e Posaçme ka përfunduar hartimin e masës së sigurisë ndaj Engjëll Agaçit dhe se fleta e arrestit konsiderohet gati për firmosje, ndërkohë që sipas të njëjtave burime Agaçi është larguar nga territori i Shqipërisë në një moment kritik të hetimit, pikërisht kur dosjet kanë kaluar nga faza e pyetjeve formale në fazën e përgjegjësisë penale, duke krijuar bindjen se largimi nuk lidhet me shkaqe shëndetësore, siç pretendon qeveria, por me frikën reale nga arrestimi.
Engjëll Agaçi mban funksionin e Sekretarit të Përgjithshëm të Këshillit të Ministrave që nga shtatori 2013 dhe gjatë kësaj periudhe ai ka ndërtuar një pushtet që shkon përtej titullit formal, duke kontrolluar administratën, duke komanduar sekretarët e përgjithshëm të ministrive, duke orientuar vendimmarrjen ekonomike dhe politike të qeverisë dhe duke u shndërruar në filtrin e detyrueshëm për çdo vendim që prodhon para publike, koncesione, favore apo mbrojtje politike, çka e bën atë figurën më të rëndësishme dhe më të rrezikshme të qeverisjes Rama.
Hetimet për inceneratorët e kanë vendosur Agaçin në qendër të vëmendjes së SPAK, pasi ai ka marrë pjesë drejtpërdrejt në proceset e miratimit të bonuseve, në kalimin e procedurave të negociimit dhe në mbështetjen politike dhe ligjore të kontratave që sot rezultojnë objekt hetimi penal, ndërsa vetë Agaçi ka tentuar të zhvendosë përgjegjësinë duke deklaruar në komisione parlamentare se Këshilli i Ministrave nuk ka zgjedhur fituesit, një deklaratë që bie ndesh me faktin se pa firmat, orientimin dhe presionin e Sekretarit të Përgjithshëm asnjë procedurë e tillë nuk do të kishte kaluar.
Emri i Agaçit del edhe në hetime të tjera që lidhen me tendera sekretë dhe kontrata të teknologjisë, përfshirë procedura të AKSHI-t, ku SPAK po analizon rolin e Kryeministrisë në paracaktimin e fituesve dhe në mbrojtjen politike të kompanive përfituese, ndërkohë që burime hetimore flasin për një model të përsëritur vendimmarrjeje ku Agaçi shfaqet si garant i marrëveshjeve që kalojnë përmes qeverisë pa transparencë dhe pa kontroll real.
Ekspozimi i tij nga emisioni “Report” i RAI3 në prill 2024, ku u paraqit si figurë kyçe në marrëveshjen Shqipëri–Itali për emigracionin dhe si njeriu që negocionte në prapaskenë në emër të kryeministrit, e nxori për herë të parë Agaçin nga hija ndërkombëtarisht dhe tregoi se roli i tij nuk kufizohej vetëm në administrimin e brendshëm, por shtrihej edhe në marrëveshje shtetërore me pasoja politike dhe ligjore, çka e rriti presionin ndaj tij në një kohë kur dosjet penale në Tiranë po trasheshin.
Në të njëjtën linjë me këto zhvillime, në një dosje hetimore të SPAK mbi hakerimin e sistemeve të Prokurorisë së Posaçme, del qartë se ndërhyrja kibernetike nuk ka pasur karakter amator apo periferik, por ka synuar drejtpërdrejt informacion mbi dosje aktive dhe persona konkretë nën hetim, ku në komunikimet e sekuestruara hakeruesit përmendin emrin e kryeministrit si autoritet që mund të ketë porositur ndërhyrjen, ndërsa në një nga mesazhet e administruara në dosje shfaqet shprehja “Se do i shkruaj Ramës…”, çka tregon qartë perceptimin e mbrojtjes politike në nivelet më të larta, dhe po në këtë dosje rezulton se më 21 shkurt i hetuari Zambak Gjoni kërkon informacion specifik për arrestimin e Engjëll Agaçit, duke e futur emrin e Sekretarit të Përgjithshëm të Këshillit të Ministrave në bisedat e hakerëve si objekt interesi urgjent, fakt që hedh dyshime serioze se hakerimi i SPAK nuk ka qenë një akt i izoluar kriminal, por një përpjekje e qëllimshme për të mësuar paraprakisht masat e sigurisë dhe për të mbrojtur figurat kyçe të pushtetit përpara goditjes penale
Sot, i njëjti njeri që për më shumë se një dekadë ka kontrolluar fijet e dukshme dhe të padukshme të shtetit, që ka menaxhuar ministrat, që ka diktuar karrierat e zyrtarëve dhe që ka qenë njeriu më i besuar i Edi Ramës, rezulton i zhdukur nga skena publike dhe, sipas burimeve, i larguar nga vendi për t’i shpëtuar drejtësisë.
Shkëlqimi i Don Agaçit u ndërtua mbi pushtet absolut pa përgjegjësi publike, mbi kontroll të administratës dhe mbi mbrojtje politike totale, ndërsa rënia e tij po ndodh në heshtje, larg kamerave, por nën presionin e një drejtësie që më në fund ka mbërritur te njeriu që për vite me radhë ka qenë truri i errët i qeverisjes. Nëse burimet konfirmohen dhe fleta e arrestit firmoset, emri i Engjëll Agaçit do të shënojë pikën e parë reale ku kulla e pushtetit të Edi Ramës fillon të shembet nga brenda. /Pamfleti
Ka ngrene kumblla pas kurrizit. Ne burg
A thua? Ato jane te gjitha kumbullat e Rames por i hane bashke. Ai eshte truri juridik i Rames por negativ. Eshte dora juridike e Rames qe ka shkaterruar kete vend dhe i ka dhene pushtetin absolut A Rames. Eshte edhe ne fajtor se Rama. Por po vjen dita te japin llogari bashke me Ramen. Nje dite do bien nga pushteti dhe hyrja ne BE do ti nxjerre e gjitha te palarat e ndoshta Rama dhe ky mund te jene akma gjalle te japin llogari
Te gjitha keto dihen boterishte nga te gjithe. Po ketu behet sikur sikur sikur dhe pastaj perfunduam ketu: nen thunder te paturexhiut. Ne djall
Don Agaçi është strumbullari ku rrotullohen kuajt (sekretarët e përgjithshëm të ministrive) që shijnë grurin. Mbas tyre vjen rrethi i dytë që heq kashtën. Rrethi tjetër ndan bereqetin. Ca për lalën , gëzhytrat për kalin, e ça ngelet për mixhlisin. Por 'rrapi madhështor, ku në fund do përplasen rrebeshet(SPAK-BKH-GJKKO) është 'Paria e Tiranës'. Furtunë,Tajfun apo Tornado? I plotëfuqishmi e di çfarë ju ka rezervu.
Këto skema me fshehje i zbatojn dhe kta te projektet ne universitet privat kryesisht se publiku del se nen vëzhgim dhe auditim ja. Mjeshtra. Veç shiko pse nuk flasin e ça jete bëjnë me nga disa shpia jep me qera per turizem etj. Kush ja kontrollon tenderat atyre qe e kane bere tregun çorap e rremuj
Vazhdoni shpifni pa kuptim