FLASH
Shkruar nga Pamfleti
Pas kallëzimit të BE, Edi Rama, në vend që t’i kërkonte SPAK-ut vënien para përgjegjësisë ligjore të Frida Krifcës, ai e emëroi këshilltare në kryeministri për fondet bujqësore të buxhetit të shtetit dhe fondet e huaja për fermerët...
Brenda 2 javëve të muajit korrik, OLAF dhe EUROJUST i kanë kërkuar dy herë sqarime dhe i kanë bërë presion të ligjshëm si partnerë, drejtuesit të SPAK, Altin Dumani, lidhur me kallëzimin e tyre penal, ndaj ish-Drejtores së AZHBR, Frida Krifca, për abuzimet me fondet e BE.
Kallëzimin penal në SPAK, OLAF e ka bërë më 13 qershor 2021, për 134 milionë Euro, të cilat nuk u janë dhënë fermerëve, por janë vjedhur me projekte false, u janë dhënë ndërtuesve të kullave, pushtetarëve e trafikantëve, firmosur nga ish-drejtoresha Frida Krifca, që pas emërimit ministre në shtator 2021, ka zhdukur e dëmtuar shumë dosje të tyre.
Por prej 3 vitesh, SPAK nuk e ka marrë as në pyetje ish-ministren e “Akademisë së Barinjeve”, me justifikimin se çështja është në proces hetimi, kur hetimin e kanë kryer vetë OLAF, EUROJUST e Prokuroria Gjermane, të cilët, dosjen ia kanë dorëzuar gati SPAK-ut.
Drejtësia e BE, po kërkon sqarime, përse nuk procedohet dhe nuk arrestohet ish-drejtoresha e AZHBR, Frida Krifca, si autoriteti përgjegjës që ka miratuar abuzimet me fondet e fermerëve.
Por SPAK vazhdon të heshtë e të mos veprojë, ndërkohë që sipas Kodit të Procedurës Penale, detyrohet të veprojë edhe me indicie; ndërsa në rastin konkret nuk po vepron, as pas dosjes me prova hetimi që kanë dorëzuar agjencitë partnere të BE.
Kujtojmë, që më 25 mars 2024, OLAF dhe EUROJUST i kërkuan SPAK-ut, që brenda muajit prill 2024, të arrestonte dhe çonte për gjykim ish-drejtoren Frida Krifca.
Në të kundërt, sipas marrëveshjeve të bashkëpunimit, ajo do arrestohej nga drejtësia e BE, mbasi ka prova se ka abuzuar me fondet e BE; por 4 muaj pas presionit të muajit mars 2024 dhe 3 vite pas dorëzimit të dosjes nga OLAF e EUROJUST; SPAK nuk e ka marrë akoma në pyetje.
Më 13 prill 2022, në nëntor 2023 dhe më 13 shkurt 2024, Departamenti i Bujqësisë e Komisionit Evropian, njoftoi kryeministrin Edi Rama, Kryetaren Kuvendit, Lindita Nikolla dhe Ministrinë e Bujqësisë, se BE ka ndërprerë fondet bujqësore “IPARD-3” për Shqipërinë, për shkak të mbrojtjes nga qeveria dhe mos dërgimin e Frida Krifcës para drejtësisë.
Por pas këtyre njoftimeve nga BE, Edi Rama, në vend që t’i kërkonte SPAK-ut vënien para përgjegjsisë ligjore të Frida Krifcës, ai e emëroi këshilltare në kryeministri, për orientimin dhe administrimin e fondeve bujqësore të buxhetit të shtetit dhe fondet e huaja për fermerët.
Në shtator 2022 e në janar 2023, Zyra Evropiane Kundër Mashtrimit, Korrupsionit e Vjedhjes së Fondeve të BE, depozitoi në SPAK dhe dy dosje me raste abuzimi të fondeve bujqësore, por nuk është bërë asnjë veprim.
Në muajin maj 2023, përfaqësuesit e zyrës OLAF të BE erdhën përsëri në zyrat e SPAK, ku kërkuan sqarime për ecurinë e hetimit, ndërsa më 28 shtator 2023, drejtuesi i SPAK, Altin Dumani, deklaroi para mediave se ka nisur hetim për fondet bujqësore të BE.
Por ish-ministrja e Akademisë së Barinjve, nuk po preket dhe po krekoset si këshilltare në kryeministri e hargalisur nëpër hotelet që u ka dhënë milionat e bujqësisë; ndoshta deri kur Babloku të detyrohet ta dorëzojë, siç veproi me Ilir Beqjen që vodhi fondet e BE./Pamfleti
Lini një Përgjigje