FLASH
Shkruar nga Pamfleti
Ish-Presidenti brazilian Jair Bolsonaro është arrestuar nga Policia Federale. Vendimi u mor nga gjyqtari i Gjykatës së Lartë Alexandre Moraes. Kërkesa për arrestim u paraqit për shkelje të një mase paraprake, pasi Bolsonaro kishte qenë në arrest shtëpiak që nga gushti, si dhe për dyshimet e policisë se ai mund të arratisej.
Ish-presidenti u dënua me 27 vjet e tre muaj për tentativë komploti për grusht shteti pas humbjes së tij në zgjedhjet e vitit 2022.
Bolsonaro u arrestua në bazë të një urdhër-arresti parandalues të lëshuar nga Gjykata e Lartë Federale, raportoi Policia Federale Braziliane në një deklaratë.
Ky është një paraburgim paraprak, thekson "O Globo", dhe jo dënimi prej 27 vjetësh e tre muajsh. Ish-presidenti u dërgua në Superintendencën e Policisë Federale, ku do të mbahet në një dhomë pritjeje, një hapësirë e rezervuar për autoritetet dhe figurat publike të rangut të lartë.
Ish-presidenti u arrestua rreth orës 06:00 të mëngjesit dhe konvoji që e mbante atë mbërriti në selinë e Policisë Federale në orën 6:35 të mëngjesit.
Lini një Përgjigje