FLASH
Shkruar nga Pamfleti
Hezbollahu ka reaguar ashpër ndaj deklaratave të kryeministrit izraelit Benjamin Netanyahu, duke hedhur poshtë akuzat dhe duke pretenduar se është Izraeli ai që po shkel marrëveshjen e armëpushimit në Liban.
Në një deklaratë të publikuar në Telegram, grupi libanez paralajmëron për “rrezikun ekstrem” të përfshirjes së autoriteteve libaneze në një marrëveshje mes SHBA dhe Izraelit, duke theksuar se “Libani nuk ka pasur asnjë rol” në këtë proces.
Sipas Hezbollahut, veprimet e tij janë një “përgjigje legjitime” ndaj asaj që e cilëson si shkelje të vazhdueshme nga ana e Izraelit, përfshirë praninë ushtarake dhe sulmet në territore të diskutueshme. Grupi shton se “vazhdimi i rezistencës kundër pranisë së armikut izraelit është përgjigje legjitime”.
Në deklaratë theksohet se zgjatja e armëpushimit duhej të sillte qetësim të situatës, por sipas tyre “në vend të kësaj, Izraeli ka intensifikuar agresionin”, duke përmendur bombardime dhe shkatërrime të banesave në jug të Libanit.
Hezbollahu paralajmëron se do të vijojë reagimin ndaj çdo sulmi, duke theksuar se “rezistenca është e pranishme dhe e gatshme të mbrojë tokën dhe popullin e saj”.
Lini një Përgjigje