Bota 2 Mars 2024, 11:23

I “tërhoqën veshin” ndërkombëtarët? Zbutet Vuçiç: Po na bëhet presion për njohjen e Kosovës, çfarë pritet në muajt në vijim!

Shkruar nga Pamfleti
I “tërhoqën veshin” ndërkombëtarët? Zbutet
Aleksandër Vuçiç

 Vuçiç deklaroi se në muajt e ardhshëm do të ketë më shumë presion ndaj Serbisë sesa ndaj shqiptarëve.

Presidenti i Serbisë, Aleksandër Vuçiç ka mbajtur një konferencë para mediave vendase nga Presidenca, pas pjesëmarrjes në dy samitet në Tiranë.

Ai deklaroi se në muajt e ardhshëm do të ketë më shumë presion ndaj Serbisë sesa ndaj shqiptarëve.

“Serbisë do t’i kërkohet njohja de fakto ose de jure e Kosovës”, tha fillimisht Vuçiç, të cilën e shkroi si pikë të parë në një dërrasë të zezë, raporton Nova.rs.

Presidenti serb tha se populli serb në Kosovë nuk do të lihet në baltë dhe se do të gjendet një zgjidhje për pagat dhe pensionet.

Situata në Kosovë nuk është përmirësuar përkundër përpjekjeve të përfaqësuesve ndërkombëtarë për të ndihmuar me situatën e popullit serb, nuk ka indikacione se do të përmirësohet, kështu që do të detyrohemi të marrim vendime të ndryshme në periudhën e ardhshme për të gjetur alternativë zgjidhjeje. 

Unë jam shumë i shqetësuar për situatën në Kosovë. E vetmja gjë që mund të përsëris për ata njerëz është se ne nuk do t’i lëmë në baltë. Do t’i marrin rrogat dhe pensionet, në çfarëdo forme”, tha presidenti.

Vuçiç më tutje deklaroi se ndërkombëtarët do t’i kërkojnë shtetit serb që të heqë dorë edhe nga Republika Srpska, vendosja e sanksioneve kundër Rusisë si dhe një qëndrim të fortë kundër Kinës.

Presioni ndaj Serbisë bëhet përmes institucioneve, organizatave, agjencive dhe politikanëve, vendas, rajonal, ndërkombëtar dhe përmes mediave, vendore, rajonale dhe në kuadrin më të gjerë ndërkombëtar”, tha Vuçiç. 

Sipas tij, ata kanë për detyrë të destabilizojnë Serbinë dhe të krijojnë një atmosferë të keqe të përgjithshme.

Vuçiç vijoi duke shkruar në tabelë se çfarë po përdoret sipas tij për t'i bërë presion ndaj Serbisë. Në pikën e parë, është rrënimi i vazhdueshëm i Serbisë për shkak të tendencave jodemokratike apo autokratike. Pika dy është “Banjska e famshme” dhe tashmë është bërë një vend i zakonshëm për të ulur fajin e regjimit të Kurtit.

Pashë se si shkruanin amerikanët në “Time” “meqë ushtria serbe po i afrohej fshehurazi Kosovës, ata ndryshuan doktrinën e tyre”, hajde njerëz, a jeni serioz, mendova se kishin një qasje pak më serioze. Çdo ditë talleni me një nga bashkëpunëtorët e Vuçiçit dhe pastaj njerëzit thonë se është e vërtetë se ata janë të tmerrshëm dhe ne kemi nevojë për dikë tjetër”, tha Vuçiç.

Presidenti serb tha se është e rëndësishme të shkojnë në zgjedhje të reja.

E rëndësishme është të mos përsëritet viti 2008 dhe dikush do ta quajë formim i paligjshëm i qeverisë. Populli ynë do të thoshte se ishte vjedhje e pastër kur demokratët dhe socialistët formuan qeverinë, pavarësisht marrëveshjes që socialistët kishin me tjetrin. Është e rëndësishme që të shkojmë në zgjedhje të reja, sepse është më mirë të humbasësh pushtetin sesa të marrësh pjesë në vjedhjen e zgjedhjeve që pati Serbia në vitin 2008”, tha Vuçiç.

aleksandër vuçiç