FLASH
Shkruar nga Pamfleti
Daniel Levy, president i Projektit të SHBA/Lindjes së Mesme dhe ish-negociator izraelit, ka komentuar ‘mungesën’ e lidershipit izraelit dhe braktisjen e mesazhit universal “kurrë më”.
Levy tha se aktualisht Izraelit i mungon lidershipi dhe kanë braktisur postulatet tradicionale hebreje.
“Unë nuk e di se si mund të ketë një braktisje të tillë të asaj që unë e kuptoj se janë mesazhe universale: kurrë më”, pohoi ai.
Ai shtoi se ajo që po bëjnë autoritetet izraelite janë veprime shumë të rrezikshme për vetë hebrenjtë.
“Nëse nuk i kuptoni vuajtjet dhe dhimbjet e dikujt tjetër, jeni në një pozicion shumë të rrezikshëm sepse po i mohoni dikujt tjetër njohjen e sakrificës suaj”, theksoi Levy.
Levy u shpreh gjithashtu se instrumentalizimi i vuajtjeve hebreje nuk është gjë e mirë dhe se ka pasoja.
“Instrumentalizimi i tij dhe mbështjellja me petkun universal të viktimizimit nuk është gjëja e duhur dhe nuk sjell asgjë të mirë”, vijoi Levy.
Këtë javë, ushtria izraelite zgjeroi sulmet ajrore dhe tokësore në Rripin e Gazës, i cili ka qenë nën sulme të pamëshirshme ajrore që kur grupi palestinez Hamas filloi një sulm ndaj Izraelit më 7 tetor.
Numri i të vdekurve nga sulmet e vazhdueshme izraelite në Gaza është rritur në 8,525, duke përfshirë 3,542 fëmijë dhe 2,187 gra, njoftoi Ministria palestineze e Shëndetësisë. Më shumë se 1,538 izraelitë u vranë në konflikt.
Kryeministri izraelit, Benjamin Netanyahu hodhi poshtë thirrjet në rritje për një armëpushim, duke thënë se kjo do të ishte një “dorëzim” ndaj Hamasit.
Lini një Përgjigje