FLASH
Shkruar nga Pamfleti
Bilanci i viktimave nga dy tërmetet e fuqishme që goditën Venezuelën është rritur në 1.450 të vdekur, njoftoi presidenti i Asamblesë Kombëtare, Jorge Rodríguez. Sipas tij, 774 ndërtesa kanë pësuar dëmtime, ndërsa 189 prej tyre janë shembur plotësisht. Një ditë më parë, autoritetet kishin raportuar 1.430 viktima.
Rodríguez e cilësoi katastrofën si fatkeqësinë natyrore më të rëndë në historinë e vendit. Ndërkohë, media ndërkombëtare raportojnë se numri i personave të zhdukur vlerësohet në rreth 70.000, ndërsa shpresat për të gjetur të mbijetuar nën rrënoja po zbehen me kalimin e orëve.
Kanë kaluar më shumë se 85 orë nga goditja e parë sizmike, por ekipet e shpëtimit vazhdojnë kërkimet, duke vlerësuar se disa persona mund të kenë mbijetuar nëse kanë pasur qasje në ujë dhe ushqim.
Një moment shprese erdhi nga qyteti La Guaira, ku një djalë 11-vjeçar u nxor i gjallë nga rrënojat pas një operacioni që zgjati më shumë se gjashtë orë. Operacioni u krye nga ekipi kolumbian i Menaxhimit të Rrezikut nga Fatkeqësitë. Fëmija u gjet pranë nënës dhe motrës së tij, të cilat kishin humbur jetën, i bllokuar nën rreth tre metra rrënoja.
Hace pocos minutos fue rescatado con vida un niño de 11 años en Caraballeda. En estas horas cada vida es esperanza para Venezuela. pic.twitter.com/Pjj5ETaaYe
— Delcy Rodríguez (@delcyrodriguezv) June 28, 2026
Autoritetet kolumbiane bënë të ditur se shpëtimi u realizua falë përdorimit të pajisjeve të specializuara dhe punës së ekipit USAR COL-1, i përbërë nga 63 specialistë dhe katër qen kërkimi, i certifikuar sipas standardeve ndërkombëtare INSARAG të Kombeve të Bashkuara.
Më herët, një tjetër 11-vjeçar ishte nxjerrë i gjallë nga rrënojat në qytetin Caraballeda, më shumë se 72 orë pas tërmeteve. Lajmi u konfirmua nga presidentja e përkohshme e Venezuelës, Delcy Rodríguez, duke i dhënë një shtysë morale ekipeve të shpëtimit që vazhdojnë operacionet në zonat e goditura.
Lini një Përgjigje