FLASH
Shkruar nga Pamfleti
Ish-kryeministri italian Silvio Berlusconi është diagnostikuar me leuçemi.
Një burim i afërt me Berlusconin konfirmoi një raport të diagnozës nga gazeta Corriere della Sera.
86-vjeçari Berlusconi po trajtohet në terapi intensive që nga e mërkura në një njësi kardiake të spitalit San Raffaele të Milanos, pasi kishte probleme me frymëmarrjen.
Berlusconi , i cili e bëri pasurinë e tij nga televizioni komercial, ka vuajtur nga sëmundje të vazhdueshme vitet e fundit dhe kishte dalë nga i njëjti spital vetëm javën e kaluar.
Për Silvio Berlusconin, i njëjti problem i oksigjenimit është shfaqur përsëri ndjeshëm edhe për shkak të efekteve të post Covid, i cili kishte bërë që mjekët ta shtronin në spital në fund të marsit. Një problem i zgjatur që çon në lodhje të sistemit vaskular dhe të mushkërive, shpjegohet në mjediset e kujdesit shëndetësor, gjithashtu riprodhon simptomat karakteristike të pneumonisë edhe nëse nuk është pneumoni.
Para shtrimit të javës së kaluar Berlusconi, ishte shtruar në spital në San Raffaele pak më shumë se një vit më parë , në janar të 2022. Në atë kohë, shtrimi në spital ishte shkaktuar nga një infeksion urinar , i cili kishte bërë të nevojshme aplikimin e terapive intensive.
Në maj 1997, 86-vjeçarit ju hoq një tumor malinj në prostatë: ajo ndërhyrje, falë privatësisë absolute të garantuar nga spitali San Raffaele, mbeti shumë e fshehtë për shumë kohë.
Më 13 dhjetor 2009, themeluesi i Mediaset u nis për në spital, pasi u godit nga një statujë e hedhur nga Massimo Tartaglia gjatë një ngjarjeje publike: imazhet e Berlusconit të plagosur, me fytyrën e tij të gjakosur, bënë xhiron e botës.
Në vitin 2014, pati një mbulim të madh mediatik edhe shtrimi i Berlusconit në spital për dy operacione për trajtimin e uveitit, një inflamacion i syve.
Në shtator 2020, Berlusconi doli pozitiv për virusin Sars-CoV-2 dhe zhvilloi simptoma të Covid-19, duke përfshirë pneumoninë dypalëshe.
Në qershor 2016, ai ishte operuar sërish në San Raffaele, një operacion në zemër për të zëvendësuar valvulën e aortës.
Duke njoftuar nevojën për një operacion, më 9 qershor 2016, mjeku personal i Berlusconit, Alberto Zangrillo, shpjegoi se ish-kryeministri kishte me atë rast "rrezik të vdiste: ai mbërriti në spital në kushte shumë të rënda. Në vitin 2019 ai iu nënshtrua një operacioni urgjent, për dy orë, për shkak të obstruksionit të zorrëve.
Lajmi për gjendjen e rëndë shëndetësore të Silvio Berlusconit, ka pasur shumë reagime dhe mesazhe nga kolegët e tij në parlamentin italian.
Lini një Përgjigje