FLASH
Shkruar nga Pamfleti
Presidenti francez paralajmëron shtim të kokave bërthamore dhe vendosje të avionëve me armë atomike në vende europiane që pranojnë bashkëpunimin
Presidenti i Francës, Emmanuel Macron ka njoftuar një ndryshim në politikën franceze të parandalimit bërthamor, duke parashikuar rritje të numrit të kokave bërthamore dhe vendosjen e avionëve francezë të armatosur me bomba atomike në vende europiane që janë të gatshme të bashkëpunojnë. Lajmi u raportua nga Stefano Montefiori për “Corriere della Sera”.
Duke folur përpara nëndetëses bërthamore “Le Téméraire”, në bazën detare të Île Longue në Bretanjë, Macron theksoi se parandalimi bërthamor francez mund të kontribuojë në forcimin e sigurisë europiane në një kontekst që ai e përshkroi si “brutalizim” të rendit ndërkombëtar dhe në kushtet e një aleati amerikan gjithnjë e më pak të parashikueshëm.
Presidenti francez njoftoi se Franca do të rrisë numrin e kokave bërthamore, të cilat aktualisht janë rreth 290, pa specifikuar shifrën e re. “Nuk do të komunikojmë më mbi përmasën e tyre”, deklaroi ai.
Macron prezantoi gjithashtu konceptin e një “parandalimi të avancuar”, sipas të cilit avionët francezë të pajisur me armë bërthamore mund të dislokohen në vende europiane që vendosin të bashkëpunojnë, me qëllim që të shtohen “dilemat strategjike” për kundërshtarët. Ai theksoi se përgjegjësia për arsenalin bërthamor mbetet plotësisht në duart e Presidentit të Republikës.
“Në një botë të rrezikshme dhe të paqëndrueshme, për të qenë të lirë duhet të jemi të frikësuar”, u shpreh Macron. Ai ngriti pyetje për pasojat e mbështetjes së Koresë së Veriut ndaj luftës së Rusisë në Ukrainë, për marrëveshjen e aleancës mes dy vendeve dhe për varësinë e shtuar të Rusisë nga Kina, duke theksuar se këto zhvillime duhen marrë në konsideratë në strategjinë franceze.
Presidenti njoftoi gjithashtu ndërtimin e një gjenerate të tretë nëndetësesh bërthamore. Nëndetësja “L’Invincible” pritet të hyjë në shërbim në vitin 2036.
Duke iu referuar dimensionit europian të parandalimit, Macron deklaroi se “pavarësia nuk do të thotë vetmi”. Ai rikujtoi se në vitin 2020 kishte propozuar ushtrime të përbashkëta me partnerët europianë dhe se situata strategjike ka ndryshuar ndjeshëm që atëherë.
Sipas tij, një grup i parë aleatësh, duke përfshirë Gjermaninë, i janë përgjigjur pozitivisht propozimit për “parandalim të avancuar”. Në korrik, Franca ka forcuar bashkëpunimin edhe me Mbretërinë e Bashkuar.
Strategjia e re parashikon bashkëpunim me tetë vende europiane: Mbretërinë e Bashkuar, Gjermaninë, Poloninë, Holandën, Belgjikën, Greqinë, Suedinë dhe Danimarkën. Këto vende mund të presin në territorin e tyre forcat ajrore strategjike franceze, të cilat do të dislokohen më thellë në kontinent për të vështirësuar llogaritjet e kundërshtarëve.
Sipas raportimit, “parandalimi i avancuar” mund të përfshijë edhe pjesëmarrjen konvencionale të forcave aleate në aktivitetet bërthamore franceze, përfshirë ushtrime ushtarake, siç ka ndodhur së fundmi me Mbretërinë e Bashkuar. Gjermania, Mbretëria e Bashkuar dhe Franca do të punojnë gjithashtu së bashku për projekte raketash me rreze shumë të gjatë veprimi, me synim krijimin e opsioneve të reja konvencionale në kuadër të parandalimit./ Përshtati "Pamfleti"
Bravo Macron, rrespekte identitetit francez! I vetmi qe ka treguar integritet e dinjitet ne keto kohe kurv..sh e rrugecerish, me nje evrope puta...ë. Rrespekte
Vendi i ketij kllufit i dha nje dore te mire krijimit te Republikes Islamike me 79. Mos e harroni! Franca eshte si neperka ne politike.