FLASH
Shkruar nga Pamfleti
Sekretari Amerikan i Mbrojtjes, Pete Hegseth, në një konferencë për shtyp mbi luftën në Iran tha se sulmet SHBA-Izrael kundër Iranit kanë “goditur mbi 7,000 objektiva”.
"Deri më sot, ne kemi goditur mbi 7000 objektiva në të gjithë Iranin dhe infrastrukturën e tij ushtarake. Kjo nuk është rritje. Kjo është forcë e madhe e aplikuar me precizion.", tha ai.
Ai shtoi se aftësia e Iranit për të prodhuar raketa të reja balistike ka marrë goditje të rëndë.
“UAV-et [mjetet ajrore pa pilot], mendoni për dronët kamikazë, kanë rënë me 90%”, tha ai.
Presidenti amerikan Donald Trump ka kërcënuar të hedhë në erë të gjithë fushën iraniane të gazit Pars nëse Teherani hakmerret ndaj sulmit masiv të Izraelit në të njëjtën zonë një ditë më parë.
Trump tha se Shtetet e Bashkuara apo Katari nuk kishin asnjë dijeni për sulmin izraelit në fushën e Iranit dhe theksoi se do të ishte një gabim i madh nëse Irani do të kundërpërgjigjej ndaj vendeve të tjera të rajonit.
“Nuk do të bëhen më sulme nga Izraeli ndaj fushës jashtëzakonisht të rëndësishme dhe të vlefshme South Pars, përveç nëse Irani vendos pa menduar të sulmojë një vend shumë të pafajshëm. Nëse Katari sulmohet përsëri, do ta hedhim në erë të gjithë fushën”, tha Trump.
Irani nisi një valë sulmesh ndaj infrastrukturës energjetike të vendeve të rajonit, përfshirë fushën më të madhe të gazit në botë në Katar, gjithashtu edhe Arabinë Saudite.
Pas Katarit, edhe ministri i Jashtëm saudit reagoi ashpër duke thënë se vendi i tij rezervon tashmë të drejtën për t’iu kundërpërgjigjur ushtarakisht Iranit.
“Ne do ta kundërshtojmë zjarrin politikisht dhe moralisht. Por ne kemi rezervuar të drejtën për të ndërmarrë veprime ushtarake. Dhe nëse vjen koha, udhëheqja e mbretërisë do të marrë vendimin e nevojshëm. Nuk do të hezitojmë të mbrojmë vendin dhe burimet tona ekonomike”, tha ministri i Jashtëm i Arabisë Saudite.
Deklaratat vijnë pas një takimi të ministrave të jashtëm nga 12 vende myslimane në Riad të cilët dënuan sulmet e Iranit ndaj fqinjëve të Gjirit, duke bërë thirrje për ndërprerje të menjëhershme të tyre.
Synimi i Iranit ndaj zonave të banimit dhe infrastrukturës civile, siç janë objektet e naftës dhe aeroportet, nuk mund të justifikohet në asnjë rrethanë, thanë ministrat në një deklaratë.
Lini një Përgjigje