FLASH
Shkruar nga Diplomatico | Pamfleti.netTrump sulmon aleatët, ngre mure tregtare dhe largon shkencëtarët, ndërsa Kina përfiton në heshtje nga çdo gabim amerikan
Ndërsa SHBA mbyllet në proteksionizëm dhe populizëm të verbër, Kina forcon pozitat si superfuqia e re globale, dhe këtë ia ka borxh pikërisht Donald Trumpit
Donald Trump e nisi “luftën e tij tregtare” me Kinën me premtimin për ta “gjunjëzuar” ekonominë më të madhe komuniste në botë.
Në vend të kësaj, sot në vitin 2025, është Kina ajo që po del fitimtare, ndërsa Shtetet e Bashkuara po humbasin terren ekonomik, teknologjik dhe diplomatik.
Në përpjekjen për ta ndëshkuar Pekinin, Trump ka izoluar Uashingtonin nga aleatët, ka dobësuar pozicionin amerikan në tregjet globale dhe i ka dhënë Kinës hapësirën që i duhej për të ngritur një rend të ri botëror.
Qasja nacionaliste dhe proteksioniste e Trumpit; me tarifa të reja universale mbi importet, bllokime teknologjike, censurë shkencore dhe kufizime ndaj emigracionit, ka goditur vetë industrinë amerikane më shumë sesa atë kineze.
Ndërkohë që Shtëpia e Bardhë merret me “teatrin tarifor”, Pekini po ndërton infrastrukturë teknologjike të avancuar, po tërheq talente shkencore nga SHBA dhe po blen ndikim në Afrikë, Azi dhe Evropë. Tregjet që dikur ishin nën ndikimin amerikan, tani po orientohen drejt investimeve kineze, të cilat nuk vijnë me kushtëzime demokratike apo retorikë moraliste.
Më e rënda është se administrata Trump ka krijuar një mjedis të frikshëm për shkencëtarët e huaj, sidomos ata me origjinë kineze, duke i shtyrë të largohen nga universitetet dhe laboratorët amerikanë. Në vend që të ruajë avantazhin në fushat strategjike si inteligjenca artificiale apo bioteknologjia, SHBA po eksporton talentet drejt Pekinit, që tashmë u ofron fonde, siguri dhe kushte pune të pakrahasueshme. Kështu, “brain drain” po shndërrohet në një armë të dyfishtë: dëmton Amerikën dhe forcon Kinën.
Trump nuk po lufton për Amerikën, ai po lufton për egon e vet. Dhe në këtë luftë, po shkatërron bazat mbi të cilat qëndronte pushteti amerikan: aleancat, diplomacia, tregtia e lirë dhe dominimi shkencor. Një president që sillet si njeri i biznesit por mendon si autokrat, është pikërisht dhurata që Kina priste prej kohësh nga Perëndimi. Me çdo tarifë që Trump vendos, Pekini fiton një partner të ri. Me çdo marrëveshje që Trump rrëzon, Kina ndërton një tjetër. Dhe me çdo shkencëtar që Trump largon, Xi Jinping fiton një armë të re në garën për supremaci globale.
Ironia është e qartë: ndërsa Trump betohet se “po e bën Amerikën të madhe sërish”, faktikisht ai po e bën Kinën më të fuqishme se kurrë. Dhe kur historia të gjykojë epokën e tij, ndoshta do ta përshkruajë me një fjali të vetme: “I dhuroi armikut atë që s’mund ta merrte dot me luftë.”/Pamfleti
Nuk eshte e vertete kjo qe shkruan artikulli. Kina prej kohesh vidhte teknologjine amerikane qofte me studentet qe studiojne por dhe punojne ne Amerike por dhe me kompanite qe te lejuara nga qeverite e meparshme amerikane pa kurrfare preokupimi se po demtonin Ameriken cuan te gjithe teknologjine e avancuar ne Kine per perfitim te castit nga kosto e lire e punes atje. Rezultati dihet, ne Kine u prodhua cdo gje kurse amerikanet dhe evropianet u moren me real estate shit e bli mes vedit e budallalliqe te tjera te ketij lloji pa prodhuar asgje ne vendet e tyre. Kina tani duket sikur nuk ka nevoje me per teknologjine perendimore e duket se mund te vazhdoje vete e pavarur te thyeje tregjet nderkombetare. Koha do ta tregoje por Amerika nuk ka zgjidhje tjeter vec te nderpresi tani hemorragjine dhe kete po ben Trump. Statuskuoja nuk mund te vazhdoje me.
Ketu jam me Trump. Kur Amerika e Europa ishin me te avancuarit Kina nuk kishte paticka e breke ne bythe. E gjithe teknologjia e Kines u zhvillua duke kopjuar e hapur syte poshte e perpjete. Ne Azotikun e Fierit, qe ndertohej nga Italianet, fotografonin deri edhe veglat e elektricistit italian. Dhe me e keqja Perendimi hapi ne Kine fabrika e uzina prodhimi me demek krahu i lire i punes duke i varur ujkut melcine ne qafe.