FLASH
Shkruar nga Ivor Bennet
Është personi që i ka shpallur luftë fqinjit të tij për tre vjet e gjysmë, madje e bënte këtë edhe ndërsa parada po zhvillohej.
Nuk janë pamjet nga takimi i Vladimir Putinit me Kim Jong Unin që do ta shqetësojnë Ukrainën dhe aleatët e saj, por fjalët.
Pasi falënderoi udhëheqësin e Koresë së Veriut për ndihmën e tij në dëbimin e forcave ukrainase nga rajoni Kursk i Rusisë në fillim të këtij viti, Kim u përgjigj duke premtuar mbështetjen e tij të plotë për Moskën dhe u zotua të bënte "gjithçka që mundet për të ndihmuar".
Është një paralajmërim i kobshëm dhe një provë se për Moskën, kjo është një miqësi me përfitime strategjike në thellim.
Kim thotë se ka furnizuar trupa më parë dhe është më se i lumtur ta bëjë këtë përsëri. Pra, nëse kishte ndonjë shpresë për Ukrainën dhe Evropën se Rusisë mund t’i mbaronte fuqia punëtore, ndoshta tani sapo është shuar.
Shqetësimi tjetër do të jetë mbështetja e hapur dhe pa kushte e Xi Jinping për Putinin.
Kina thotë se është neutrale kur bëhet fjalë për Ukrainën, por këtu nuk dukej kështu. Xi e uli presidentin rus në krahun e tij të djathtë gjatë paradës dhe i dha atij rolin kryesor. Putin është personi që i ka shpallur luftë fqinjit të tij për tre vjet e gjysmë, madje e bënte këtë edhe ndërsa parada po zhvillohej.
Teksa Xi po fliste për rëndësinë e paqes, forcat ruse po kryenin një tjetër sulm gjithëpërfshirës ajror ndaj Ukrainës. Kjo tregon se sa i inkurajuar është udhëheqësi i Kremlinit nga ngjarjet e ditëve të fundit.
Ai ka mbështetjen ekonomike nga Kina dhe India. Ai ka më shumë mbështetje ushtarake, nëse i nevojitet, nga Koreja e Veriut.
Mesazhi i tij për Ukrainën, për Evropën dhe për Donald Trump është se Rusia mund të vazhdojë për aq kohë sa të duhet, derisa të marrë atë që dëshiron./ Përshtati “Pamfleti” nga “Sky News”.
Lini një Përgjigje