FLASH
Shkruar nga Pamfleti
Shtrëngimi i duarve mes Donald Trumpit dhe Brigitte Macronit, në kuadër të Samitit të G7 në Evian të Francës, është bërë viral gjatë orëve të fundit…
Shtrëngimi i duarve mes presidentit amerikan Donald Trump dhe Zonjës së Parë të Francës, Brigitte Macron, zgjati plot 13 sekonda gjatë samitit të G7 në Evian të Francës.
Ky shtrëngim i pazakontë ndodhi ndërsa presidenti francez Emmanuel Macron dhe bashkëshortja e tij Brigitte prisnin liderët e vendeve të G7. Mediat ndërkombëtare kujtuan se Trump dhe Macron kanë një histori të gjatë shtrëngimesh duarsh të forta dhe më të gjata se zakonisht. Megjithatë, kjo është hera e parë që presidenti amerikan pati një shtrëngim të tillë me Brigitte Macron.
Momenti i sikletshëm mes Presidentit Donald Trump dhe Brigitte Macron në samitin e G7 u bë viral, pasi një eksperte e leximit të buzëve pretendoi se zbuloi atë që presidenti amerikan tha gjatë kësaj ndërveprimi të pazakontë. Nicola Hickling u përpoq të deshifronte fjalët që ata shkëmbyen përpara kamerave, duke folur për gazetën Daily Mail.
Sipas saj, Trump fillimisht i tha Emmanuel Macronit: “Jam gati për sonte”, përpara se të kthehej nga Brigitte Macron. Hickling pretendon se presidenti amerikan e përshëndeti Zonjën e Parë të Francës me fjalët: “përshëndetje, e dashur”, ndërsa ajo iu përgjigj: “gëzuar ditëlindjen”, pasi presidenti amerikan kishte festuar ditëlindjen e tij pak ditë më parë.
Trump does his weird handshake tug of war with Brigitte Macron pic.twitter.com/b4LZpg2sly
— Aaron Rupar (@atrupar) June 15, 2026
Takimi i shkurtër mes tyre ndodhi pas komenteve tallëse të Trumpit për martesën e Brigitte dhe Emmanuel Macronit, në një kohë kur tensionet mes dy liderëve botërorë janë shtuar. Duke folur në një aktivitet privat në prill, kur kritikoi Francën për mungesën e mbështetjes ndaj SHBA-së lidhur me Iranin, Trump akuzoi Brigitte Macron se ishte sjellë “jashtëzakonisht keq” me Emmanuel Macron.
“Telefonova Macronin e Francës, gruaja e të cilit sillet shumë keq me të. Ai ende po rikuperohet nga goditja në nofullën e djathtë”, tha Trump, duke iu referuar dukshëm një videoje virale të vitit të kaluar, në të cilën Brigitte dukej sikur e shtynte me forcë fytyrën e Emmanuel Macronit ndërsa ata po zbrisnin nga avioni presidencial francez.
Më vonë, Emmanuel Macron reagoi ndaj këtyre komenteve, duke deklaruar se fjalët e Trumpit nuk ishin «elegante dhe nuk ishin në lartësinë e rrethanave».
Lini një Përgjigje