FLASH
Shkruar nga Pamfleti
Nicola Gratteri rrëzon propagandën e Trump mbi Venezuelën...
Venezuela nuk është qendra e narkotrafikut global dhe as “motori” i tregut botëror të lëndëve narkotike.
Kjo është deklarata e prerë e prokurorit të Napolit, Nicola Gratteri, i cili në një intervistë për “La Stampa” rrëzon akuzat e përsëritura ndaj Caracas-it. “Venezuela nuk dominon dhe as nuk e orienton tregun ndërkombëtar të drogës”, thekson ai, duke shtuar se kush pretendon të kundërtën, shpesh e bën për qëllime politike.
Sipas Gratterit, roli i Venezuelës është “margjinal”, nëse krahasohet me nyjet e vërteta të trafikut ndërkombëtar, të cilat ndodhen kryesisht në Amerikën Qendrore dhe Meksikë – vendet që përbëjnë rrugët kryesore për hyrjen e drogës në tregjet e SHBA-së dhe Europës.
Edhe sa i përket fentanyl-it, çështje tepër e ndezur në debatin politik amerikan, Gratteri është i qartë: nuk ka asnjë provë të pavarur që të tregojë Venezuelën si qendër prodhimi për drogat sintetike. Pothuajse i gjithë prodhimi i fentanyl-it dhe substancave të tjera opioidë sintetike bëhet në Meksikë. T’i atribuohet një rol qendror Caracas-it, sipas tij, është një përzierje e qëllimshme midis propagandës politike dhe realitetit kriminal, me synime që shkojnë përtej luftës ndaj drogës.
“Fokusi i tepruar mbi Venezuelën si epiqendra e drogës është i pabarabartë dhe duket se justifikon presione diplomatike dhe ndërhyrje, jo një përpjekje reale për të ndalur trafikun ndërkombëtar,” thotë prokurori italian.
As grupi kriminal venezuelian “Tren de Aragua” nuk e përmbys këtë tablo. Aktiviteti i tij është më së shumti i lidhur me trafikimin dhe shfrytëzimin e migrantëve, jo me narkotrafikun në shkallë ndërkombëtare, thekson Gratteri.
Ai ngre dyshime serioze për strategjinë e SHBA-së, duke shtuar: “Nëse arrestimi i presidentit Maduro do të bazohej vërtet në luftën kundër drogës, atëherë Uashingtoni do duhej të përqendrohej te vendet që realisht prodhojnë kokainë dhe opiode sintetike.” Goditja e nyjeve periferike, paralajmëron ai, është e paefektshme: “Nuk është kështu që luftohet historikisht narkotrafiku”.
Sipas Gratterit, në këtë çështje janë në lojë interesa gjeopolitikë dhe ekonomikë shumë më të mëdhenj, duke filluar nga kontrolli indirekt i rezervave të mëdha të naftës venezuelane – ndër më të mëdhatë në botë. Një skenar i njohur, pasi “lufta ndaj drogës është përdorur historikisht si narrativë për të fshehur objektiva strategjikë.”
Në realitetin aktual të narkotrafikut, qendrat kryesore janë Meksika, që përbën epiqendrën e prodhimit të fentanyl-it dhe drogës sintetike; si dhe vendet andine – Peruja, Bolivia dhe Kolumbia – që janë burimi kryesor i kokainës. Në këtë sistem, mafiet italiane mbajnë një rol qendror: “‘Ndrangheta’ është sot organizata më e përfshirë në trafikun ndërkombëtar të kokainës”.
Por nuk është e vetme. Edhe Camorra, Cosa Nostra dhe klanet puljeze ruajnë pjesë të rëndësishme të tregut. Dhe krahas këtyre strukturave tradicionale, po shfaqen me forcë aktorë të rinj, veçanërisht grupet kriminale shqiptare, të cilat Gratteri i identifikon si një fuqi në rritje në rrjetin transnacional të drogës.
Problemi më i madh, përfundon Gratteri, është ekonomik dhe financiar. “Sot kapen vetëm 10-12% e lëndëve narkotike, ndërsa sekuestrohet më pak se 1% e fitimeve që ato gjenerojnë. Pa goditur flukset financiare, motori i këtij sistemi mbetet i paprekur.” /Pamfleti
https://sot.com.al/bota/gruaja-e-maduros-organizoi-takimin-mes-kryetrafikantit-dhe-kryepolicit-ne-trafik-u-perfshine-djali-dhe-niperit-e-saj/_____________ SHËNIM: Ja, për sovranitetin e këtij Maduros, diktatorit të Venezuelës, që është një trafikant droge familjarisht, është shqetësuar Rusia, Kina dhe Irani. Pra praktikisht diktaturat politike dhe fetare. Kina kishte investime miliardëshe në sektorin e naftës në Venezuelë, kurse nga Rusia Maduro blinte armatime. A rrezikonte kjo sigurinë kombëtare të SHBA? Patjetër. Atëherë për ça sovraniteti diskutojnë "të majtët" apo komunistët?
Ca shkrimi eshte KY me google translate eshte bere?
Faqja jone eshte perballur sot me nje problem teknik, ku shume shkrime dalin me probleme. Ju kekrojme ndjese, po punojme per ta zgjidhur.