FLASH
Shkruar nga Pamfleti
Presidenti i Shteteve të Bashkuara, Donald Trump, ka vlerësuar vizitën e ardhshme të Mbretit Charles III dhe Mbretëreshës Camilla në SHBA, ndërkohë që njëkohësisht ka kritikuar Mbretërinë e Bashkuar për mungesë angazhimi në konfliktin me Iranin dhe përpjekjet për rihapjen e Ngushticës së Hormuzit.
Në një postim në rrjetin Truth Social, Trump e cilësoi vizitën si një ngjarje të rëndësishme, duke theksuar se ajo përkon me 250-vjetorin e Shteteve të Bashkuara. Ai u shpreh se pret me kënaqësi takimin me Mbretin Charles, për të cilin deklaroi se ka respekt të madh.
“Ky moment i rëndësishëm do të jetë edhe më i veçantë këtë vit… Pres me padurim të kaloj kohë me Mbretin,” shkroi Trump, duke shtuar se vizita do të jetë “e shkëlqyer”.
Sipas njoftimit zyrtar, vizita shtetërore do të zhvillohet nga 27 deri më 30 prill dhe do të përfshijë një banket zyrtar në Shtëpinë e Bardhë më 28 prill. Pallati Buckingham konfirmoi më herët gjatë ditës organizimin e kësaj vizite.
Megjithatë, në një tjetër postim po atë ditë, Trump kritikoi ashpër Mbretërinë e Bashkuar për refuzimin e përfshirjes në veprimet kundër Iranit. Ai deklaroi se Londra duhet të tregojë “guxim të vonuar” dhe të kontribuojë në sigurimin e rrugëve të furnizimit me energji përmes Ngushticës së Hormuzit.
Presidenti amerikan paralajmëroi gjithashtu se SHBA mund të mos ofrojë më mbështetje të pakushtëzuar për aleatët që, sipas tij, nuk kontribuojnë në mënyrë të barabartë në çështjet e sigurisë.
Lini një Përgjigje