FLASH
Shkruar nga Pamfleti
Presidenti i SHBA-së, Donald Trump, deklaroi sot se arritja e një marrëveshjeje për Gazën është shumë afër, duke e lidhur këtë me sulmet e fundit të SHBA-së ndaj objekteve bërthamore të Iranit.
"Mendoj se po bëhet përparim i madh në Gaza. Për shkak të këtij sulmi që bëmë, mendoj se do të kemi lajme shumë të mira", tha Trump gjatë një takimi me Sekretarin e Përgjithshëm të NATO-s Mark Rutte në kuadër të një samiti të NATO-s në Hagë.
Ai shtoi se përpjekjet për të arritur një marrëveshje ishin që para sulmit, por shtoi se sulmet e SHBA-së ndaj Iranit ndihmuan në përshpejtimin e procesit.
"Tregoi shumë fuqi. Mendoj se ndihmoi... Veçmas, edhe para kësaj, ishim shumë afër arritjes së një marrëveshjejepër Gazën", u shpreh ai.
Trump tha gjithashtu se i dërguari i SHBA-së në Lindjen e Mesme, Steve Witkoff, i kishte thënë se “Gaza është shumë afër” një marrëveshjeje.
Lini një Përgjigje