FLASH
Shkruar nga Pamfleti
Komandanti i misionit të KFOR-it, gjeneralmajor Angelo Michele Ristuccia, ka zhvilluar një takim ditën e stome me presidentin e Serbisë, Aleksandar Vuçiç në Beograd. Në fokus të këtij takimi ka qenë rritja e tensioneve në veri për të cilat, gjenerali ka paralajmëruar presidentin serb që të mos ketë më provokime.
“Komandanti i KFOR-it shprehu shqetësim të thellë për zhvillimet e fundit në komunat veriore të Kosovës pas ngjarjeve të 29 majit të kaluar, kur disa paqeruajtës të KFOR-it u plagosën gjatë sulmeve të paprovokuara të elementëve kriminalë të cilët depërtuan në protesta paqësore”, thuhej në njoftim.
Pas takimit me Vuçiç, Ristuccia është takuar edhe me shefin e Shtabit të Përgjithshëm të Ushtrisë Serbe, Milan Mojsiloviç, të cilit ja ka bërë të qartë se KFOR është i gatshëm për çdo lloj situate dhe se nuk do të tolerojë veprime të gabuara në territorin e Kosovës.
"KFOR-i është i gatshëm të përballet me çdo skenar dhe vazhdon të monitorojë situatën në terren. KFOR-i vazhdon të veprojë në mënyrë të paanshme, brenda Rregullave strikte të Angazhimit (ROE) dhe merr të gjitha masat e nevojshme për të zbatuar mandatin e tij bazuar në Rezolutën 1244 të Këshillit të Sigurimit të Kombeve të Bashkuara. të vitit 1999, në mënyrë që të sigurohet një mjedis i sigurt dhe i sigurt dhe liria e lëvizjes për të gjitha komunitetet në Kosovë”, thuhet në deklaratë.
Lini një Përgjigje