FLASH
Shkruar nga Pamfleti
Gjatë mandatit tim të parë, Serbia dhe Kosova po e përballonin me forcë, siç kanë bërë për shumë dekada, dhe ky konflikt i gjatë ishte gati të shpërthente në Luftë. Unë e ndalova atë...
Presidenti amerikan Donald Trump deklaroi se Irani dhe Izraeli do të arrijnë një marrëveshje paqeje njëjtë siç bëri India dhe Pakistani. Kjo gjë sipas Trump, do të arrihet falë ndërmjetësimit të SHBA-së dhe administratës së tij, e cila, theksoi presidenti amerikan, arriti të ndalonte një konflikt të mundshëm mes Kosovës dhe Serbisë gjatë mandatit të parë.
“Irani dhe Izraeli duhet të bëjnë një marrëveshje, dhe do të bëjnë një marrëveshje, ashtu siç i bëra të bënin India dhe Pakistani, në atë rast duke përdorur tregtinë me Shtetet e Bashkuara për të sjellë arsye, kohezion dhe mendje të shëndoshë në bisedime me dy udhëheqës të shkëlqyer të cilët ishin në gjendje të merrnin shpejt një vendim dhe të ndalojnë”, shkroi Trump në “Truth”.
Trump me anë të një postimi në rrjetin social “TruthSocial” tha se në mandatin e tij të parë Kosova dhe Serbia ishin fare pranë nisjes së një konflikti dhe ai arriti që t’i ulte të dyja palët të bënin një marrëveshje dhe të shmangnin luftën. Madje akuzoi Bidenin se kishte prishur balancat me disa vendime për të cilat ai u zotua që do t’i rregullojë shumë shpejt!
“Gjithashtu, gjatë mandatit tim të parë, Serbia dhe Kosova po e përballonin me forcë, siç kanë bërë për shumë dekada, dhe ky konflikt i gjatë ishte gati të shpërthente në Luftë. Unë e ndalova atë (Biden ka dëmtuar perspektivat afatgjata me disa vendime shumë budallaqe, por do ta rregulloj përsëri!)”, tha Trump.
Kjo deklaratë e Trump është një oguri i mirë për Kosovën, pasi tregon se paqja dhe stabilitetit në këtë pjesë të Ballkanit, mbetet ende prioritet i SHBA-ve.
Më tej, Presidenti Trump mori edhe rastin e Egjiptit me Etiopinë konflikt për të cilin tha se aktualisht e ka një paqe. Duke marrë këto shembuj, Trump tha se mbetet besimplotë ase do të arrihet paqe edhe mes Iranit dhe Izraelit shumë shpejt. Teksa e mbylli postimin e tij me sloganin e fushatës presidenciale; “Bëjeni Lindjen e Mesme të Madhe sërish”!
“Një rast tjetër është Egjipti dhe Etiopia, dhe lufta e tyre për një digë masive që po ndikon në lumin madhështor Nil. Ka paqe, të paktën për momentin, për shkak të ndërhyrjes sime, dhe do të mbetet kështu! Po kështu, do të kemi paqe, së shpejti, midis Izraelit dhe Iranit! Shumë telefonata dhe takime po zhvillohen tani. Unë bëj shumë, dhe nuk marr kurrë merita për asgjë, por kjo është në rregull, populli e kupton. BËJENI LINDJEN E MESME TË MADHE PËRSËRI!”, përfundoi postimi i tij në “Truth”.
Lini një Përgjigje