FLASH
Shkruar nga Pamfleti
Një nga atraksionet më të famshme turistike të Lisbonës është kthyer në skenë tragjedie. Të paktën tre persona kanë humbur jetën dhe mbi 20 të tjerë janë plagosur pasi tramvai “Gloria”, simbol i kryeqytetit portugez, doli nga shinat dhe u përplas me një ndërtesë pranë Avenida da Liberdade mbrëmjen e së mërkurës, rreth orës 18:05.
Sipas Shërbimit të Emergjencave të Portugalisë, dy nga të plagosurit ndodhen në gjendje kritike, ndërsa disa pasagjerë të tjerë mbetën të bllokuar për orë të tëra në rrënoja.
Gazeta portugeze Observador raportoi se një kabllo është shkëputur gjatë itinerarit, duke bërë që mjeti të humbiste kontrollin dhe të përplasej me një godinë përreth.
Pamjet dramatike të shpërndara në rrjetet sociale tregojnë funikularin e verdhë të përmbysur dhe thuajse tërësisht të shkatërruar, ndërsa dhjetëra persona vraponin të tmerruar nga zona dhe re tymi mbulonin rrugën.
Lini një Përgjigje