FLASH
Shkruar nga Pamfleti
Presidenti rus Vladimir Putin i dërgon ngushëllime Iranit, pas sulmeve amerikano-izrealite, që eleminuan liderin e tyre.
Presidenti i Rusisë i shprehu ngushëllimet e tij Presidentit iranian Masud Pezeshkian, teksa "e përshkroi vdekjen e Ajatollah Khameneit si një vrasje cinike në shkelje të të gjitha normave të moralit njerëzor dhe të drejtës ndërkombëtare ", sipas agjencisë zyrtare të lajmeve TASS .
"Në Rusi, Khamenei do të mbahet mend si një burrë shteti i shquar që dha një kontribut të rëndësishëm në zhvillimin e marrëdhënieve midis dy vendeve ", tha Vladimir Putin, sipas TASS .
"Udhëheqësi rus shprehu ngushëllimet dhe mbështetjen e tij të sinqerta për të afërmit dhe familjen e Khameneit, si dhe për qeverinë iraniane dhe të gjithë popullin iranian."
Për muaj të tërë, CIA kishte monitoruar udhëheqësin suprem të Iranit, Ajatollah Ali Khamenei, i cili u vra të shtunën në mëngjes në një sulm ajror amerikano-izraelit.
Sipas New York Times, pas muajsh mbikëqyrjeje, CIA i dha Izraelit informacion të detajuar dhe shumë të besueshëm se Khamenei do të merrte pjesë në një takim të zyrtarëve të lartë iranianë në Teheran të shtunën.
Në të njëjtën kohë, inteligjenca izraelite konfirmoi se takimi do të zhvillohej në pallatin ku ai banonte.
Sipas një burimi amerikan, Khamenei ishte planifikuar të mbante një takim në Teheran të shtunën në mbrëmje, por inteligjenca izraelite zbuloi se takimi do të zhvillohej në mëngjes.
Mundësia ishte ideale. Uashingtoni dhe Tel Avivi vendosën të përshpejtonin sulmin për ta vrarë atë, që të përkonte me takimin e Khameneit me rrethin e tij të ngushtë.
Burime izraelite thanë se agjencitë e inteligjencës kishin zbuluar takime të shumta të njëkohshme të nivelit të lartë, të cilat çuan në aktivizimin e menjëhershëm të operacionit.
Rrjeti izraelit Channel 12 raportoi se rreth 30 bomba u hodhën në kompleksin ku po qëndronte Khamenei, i cili, sipas të njëjtit burim, ishte nën tokë në kohën e sulmit.
Përveç Ajatollah Ali Khameneit, në sulmin amerikano-izraelit u vranë edhe vajza, dhëndri dhe mbesa e tij.
Lini një Përgjigje