FLASH
Shkruar nga Pamfleti
Një aksident rrugor ka ndodhur mesditën e sotme në aksin Fier–Seman, në afërsi të fshatit Ferm-Çlirim.
Sipas informacioneve paraprake, në aksident janë përfshirë dy automjete, ndërsa si pasojë e përplasjes kanë mbetur të plagosur të dy drejtuesit e mjeteve. Ata janë transportuar me ambulancë drejt Spitalit Rajonal të Fierit për të marrë ndihmën e nevojshme mjekësore.
Burime nga spitali bëjnë me dije se të dy të plagosurit ndodhen jashtë rrezikut për jetën. Megjithatë, deri më tani nuk janë bërë të ditura identitetet e tyre, ndërsa nuk ka ende informacion zyrtar mbi rrethanat që çuan në aksident.
Në vendngjarje kanë mbërritur shërbimet e Policisë, të cilat po kryejnë veprimet hetimore për zbardhjen e plotë të ngjarjes dhe përcaktimin e shkaqeve të aksidentit. Po ashtu, efektivët kanë punuar për normalizimin e qarkullimit në zonë.
Autoritetet pritet të japin më shumë detaje në vijim, ndërsa hetimet për ngjarjen vazhdojnë.
Lini një Përgjigje