FLASH
Shkruar nga Pamfleti
Kreu i Partisë Mundësia, Agron Shehaj, së bashku me deputetin Erald Kapri, u paraqitën në ambientet e Drejtorisë së Policisë së Tiranës për të marrë informacion mbi protestuesit e shoqëruar pas protestës së zhvilluar para Kuvendit.
Sipas burimeve, ata kërkuan të mësonin se në cilat komisariate ishin dërguar personat e ndaluar, si edhe arsyet e shoqërimit të tyre.
Shehaj kërkoi veçanërisht sqarime lidhur me shoqërimin e Goxhajt dhe protestuesve të tjerë, duke kërkuar informacion zyrtar nga autoritetet policore.
"Protestuesit e dhunuar po shprehim kundërshtinë e tyre. Janë shoqëruar 6 protestues, dy janë të 1, dy te 2-shi dhe 2 te 4. Do të shkojmë ti shohim, pasi u dhunuan para kamerave, dhe me gjasa që mund të jenë dhunuar dhe atje. Do të shkojmë në secilin komisariat dhe do të shohim se si janë trajtuar", u shpreh Shehaj.
Protesta para Kuvendit u shoqërua me tensione dhe përplasje fizike mes qyetraëve dhe policisë.
“Lironi protestuesit, lironi protestuesit”, janë thirrjet që një grup qytetarësh kanë hedhur në drejtim të Policisë, të cilën e kanë konsideruar si “një turp”.
"Mos na provokoni", ishte një tjetër thirrje e qytetarëve drejtuar policisë.
Ndërkohë nga policia ende nuk ka një informacion zyrtar lidhur me ndalimet, apo mbi numrin e personave që u shoqëruan.
Lini një Përgjigje