FLASH
Shkruar nga Pamfleti
Katy Perry ka reaguar ashpër ndaj Shtëpisë së Bardhë, pasi kënga e saj "Firework" u përdor në një video të publikuar në TikTok që lidhej me sulmet ushtarake ndaj Iranit.
Në një postim në platformën X, këngëtarja e njohur kritikoi përdorimin e paautorizuar të hitit të saj të vitit 2010, duke theksuar se nuk ishte pyetur dhe nuk kishte dhënë miratimin për përdorimin e këngës.
“Jam thellësisht e tmerruar dhe e zemëruar që shoh ‘Firework’ të përdorur në llogarinë @WhiteHouse TikTok si këngë mbështetëse për pamjet video të sulmeve ushtarake. Unë nuk e miratova këtë, nuk më pyetën dhe absolutisht nuk e miratoj.”, shkruan këngëtarja.
Artistja u shpreh më tej se "Firework" është shkruar si një himn shprese, shërimi dhe force të brendshme, duke theksuar se mesazhi i saj nuk ka lidhje me luftën apo dhunën.
“E shkrova këtë këngë si një himn shprese, shërimi dhe force të brendshme për njerëzit që po kalojnë momentet e tyre më të errëta personale. Të shohësh një mesazh vetëvlerësimi dhe ngritjeje të përdorur si armë për të krijuar kolonë zanore, shkatërrim dhe dhunë është një shkelje e plotë e gjithçkaje që përfaqëson kënga ime. Muzika ime është për të bashkuar njerëzit, jo për të festuar luftën.”, shtoi ajo.
Lini një Përgjigje