FLASH
Shkruar nga Pamfleti
Pas eliminimit të Gjermanisë nga Kupa e Botës, emri i Jyrgen Klop është përmendur gjerësisht në mediat sportive si një nga kandidatët kryesorë për të zëvendësuar Julian Nagelsman në stolin e përfaqësueses gjermane.
Ish-trajneri i Liverpulit ishte i pranishëm në stadium në cilësinë e komentatorit televiziv, ku u pyet në lidhje me mundësinë e marrjes së drejtimit të kombëtares.
“Nuk kam menduar ende për këtë. Edhe unë, si trajner, kam përjetuar shumë herë situata kur një ëndërr e madhe është shkatërruar. E kuptoj që, kur flitet për trajnerin e kombëtares së Gjermanisë, përmendet emri im. Por nuk është momenti i duhur për të folur për këtë, sidomos jo me mua”, deklaroi Klop për “MagentaTV”.
Tekniku gjerman theksoi se aktualisht është i përqendruar tek angazhimi i tij profesional dhe nuk e sheh të arsyeshme të diskutojë për të ardhmen menjëherë pas eliminimit të kombëtares.
“Kam një punë që e bëj me shumë kënaqësi. Dhe, nga sa kam dëgjuar, posti i trajnerit të Gjermanisë nuk është një punë me kohë të pjesshme. Sot Gjermania u eliminua dhe nuk është momenti që të mendoj për figurën e Jyrgen Klop”, përfundoi ai.
Lini një Përgjigje